مدونة حكايات فريدة

عن عيد الحب 2.. تهادوا تحابوا

....
عندما ننظر للإحتفالات المماثله لعيد الحب و يطالب البعض بعدم الإسراف و المبالغه في الإحتفال بها لأنه لا فائدة من هذا بل على العكس
عيد الحب عندنا صار عيد العشاق و أغلب العشاق تكون علاقتهم في إطار خارج الإطار الديني المعروف و المسموح به لنا كمسلمين... و يكون صبغ بلادنا الشرقيه العربيه باللون الأحمر كأنه نوع من الإشعال الزائد لغرائز أبنائنا و الدعوه لهم بالتشبه بالغرب بلا مبرر
....
حسنا..المراسم الخاصه بكل الأعياد التي أستحدثت علينا " عيد الحب,,عيد الزواج,,عيد الأم,,عيد الميلاد..."تقوم على إحترام فكرة الذكرى في حياة الإنسان ..و أنا أريد أن أسألكم
بربكم.. أي إمرأه في العالم لا تحب أن تستيقظ صبيحة ذكرى يوم زفافها لتجد زوجها يقبلها ليقول لها كل عام و انتي بخير... و أي طفل يكره أن يتلقى الهدايا يوم عيد ميلاده .. و أي رجل يكره أن تدللـــه إمرأه يوم ميلاده.. و أي أم تكره الهديه من أبنائها؟؟؟؟؟ .. إلى آخره
إن الذكرى و إشعار من حولنا لنا بقيمتنا في حياتهم أمر جميل يستحيل على نفس بشريه كرهه.. أما الهدايا .. فيالها من شيء جميل
...,
لكن بالنظر إلى تلك العادات قد نجد فكره لا تغيب عنكم جميعا
و هي أن بضاعتنا ردت إلينا و لكن بحله جديده
بمعنى
الدين الإسلامي دين يقوم على الحب .. و يوصي الله و الرسول الرجال بالنساء و النساء بالرجال و يوصي الأبناء بآبائهم و أمهاتهم..و للرسول حديث جميل تهادوا تحابوا لكننا كشرقيين و كالعاده نتناسى تلك الأشياء الصغيره التي تعني الكثير
و تجدنا نسخر من عيد الزواج.. و نكره عيد الميلاد..
و نسخر من أن الرجال لا يهتموا بتك الأشياء غير المهمه مثل عيد الزواج أو إحضار و لو هديه بسيطه تدل على الإهتمام و النساء بالمقابل لا تهتم برجالها و لا تفكر إمرأه أن تهدي زوجها و لا حتى أن تقول له أحبك " اصل هو اللي المفروض يقول لي و بعدين ان كان هو مابيقولهاش و لا بيفتكرنيش افتكره ليه"و عادة تكون السكرتيره هي من تشتري له الهديه لتلفت نظره
...
رغم ان رسولنا قال "تهادوا تحابوا" و لأننا لا نهتم بالأشياء الصغيره بينما يهتم بها الغربيون كثيرا
اهتموا هم بترسيخ أهمية أعياد خاصه بهم مثل عيد الشكر و عيد الكريسماس" عيد الميلاد" و ابتكروا تقليد تبادل الهدايا في تلك الأعياد ذات المغزى الديني أساسا
حتى في أفلامهم تجد أفلاما كامله عن مناسبات كتلك... بينما تقلصت إهتمامتنا نحن بأي عيد كان
فلا تجد مثلا تقليد أسري إسلامي سوى في رمضان فقط أو العيدين
و تناسينا ان السنه 365 يوم و ان طابع الإنسان هو النسيان.. فلا تجد أي شعائر أو مظاهر إحتفالات دينيه خلال مناسبات كثيره كان من الممكن أن نهتم بها... و تجد اطفالنا يعرفوا قصة سيدنا إبراهيم لكنهم لا يعرفوا شيء عن هجرة النبي أو ميلاده ... لأن الاطفال يحبوا العيد لأن به العيديه و الملابس الجديده و الخروف لكن كيف تحافظ على انتباهه إن لم تكن تهتم لا بالذكرى و لا بالهديه ...أبائنا و أجدادنا كانوا يعرفون المواسم من حلاوة الموسم و المولد النبي من عروسة المولد.. أما الآن فكل ما حولنا غربي
دباديب مستورده و شخصيات كرتونيه غربيه و أعياد غربيه
لأنهم عرفوا كيف يأسروا النفس البشريه بالتودد لها بما هو في طبائعها
....
و خلال كل تلك السنوات ظل شيوخنا يتجادلوا.. و كبرنا و نحن لا نعلم هل عيد الميلاد حلال أم حرام ... و كبر الأولاد و هم يجدوا أب و أم لا يتذكروا اليوم الذي تزوجا بها و كلاهما ينعتانه بالأسود ليجد هؤلاء الأولاد عاده غربيه لطيفه تسمى الفلانتين بها يتذكرك من تحب و يهديك ورود حمراء و هديه جميله تظل ذكرى جميله في مجتمع أهمل قيمة الذكرى
يجدأولادنا ثقافتنا و افلامنا و كلامنا يسخر من الزواج و يجدوا الغرب بيقدس الحب و يهتم به و الرجل و المرأه في الافلام يحترم أحدهما الآخر و الكلام عن الإخلاص و الصدق و الأمانه
....
و بينما يتشاجر الشيوخ حول عيد الميلاد و لا يحتفل به المتزمتون و بينما يمر الزمن و يمحي عادات مثل المواسم و بينما لا يعرف ابنائنا في أي يوم في شهر عربي نحن و السنن الخاصه بكل شهر عربي
ظللنا نستورد و لا نطور ننتقد و لا نحور نرفض و نحن كرها آخذين.. ننسى و لا نعطي
...
و في خضم هذا أتذكر بالرحمه و أستغفر لهما
علي و مصطفى أمين
لم يكونا رجلي دين
و لكنهما كاناصحفيين و مفكرين
أخذوا مما يناسب ديننا و ابتكروا عيدين
عيد الحب المصري 4-11
و عيد الام 21-3
قد يعتبرهما البعض بدعه
لكني أعتبرهما عيدين من أصل ما أمر به ديننا و رسولنا
و أترحم عليهما و أنا أتذكر حديث الرسول
من سن سنة حسنه فله أجرها و أجر من إتبعها
...
و بالمناسبه حتهدوا ايه لأمهاتكم لشهر القادم؟

31 comments

~ Bato0ot ~ said...

ana shayfa en kalamek gameeel awy wana mwf2aqy f kol klma 2olteeha :D
w 2olili ageeb eh l mama 3ashan m7tasa :S

Anonymous said...

والله حاتجنن

لماذا هناك قوم لا يعرض عليهم امران الا اختاروا اسواهم واصعبهم واضيقهم

لماذا يفسرون الاقوال فى طريق العنت وفى طريق التضييق على الناس

لماذا يحرصون على محو اى متعه والغاء اى ابتسامه وتعسير اى ميسر؟

لما نفس الكلام دائما

القران قال كذا اذا يقصد كذا
ده ماقالش كذا ولو كان عايز كذا يبقى كان قال كذا الخ الخ

لى للحقائق وتفسيرات ما انزل الله بها من سلطان ودائما يصلون لنتيجه ليست ابدا من روح الاسلام ولا من فلسفته

هل هى الوهابيه جاءت لنا من المصريين العاملين فى السعوديه

هل النصيون وراء الجمود والتحجر ونعت اى امر صالح بالبدعه وتهديد اى راى بالنار؟

صوت المرأه عورة
سبحان الله
اولم تمتلئ كتب السيره بالحاديث بين الرجال والنساء وبين النساء والرسول هل لم يكن عورة وصار عورة؟

النقاب فرض
ايضا كتب السيره مليئه بالاحاديث التى تقطع ان الوجوه مكشوفه والناس تنادى بعض وتعرف بعض وراجع قصه اراكى تتجملين بين صحابى وصحابيه
او حتى بالعقل
كيف بالله عليكم ان يسير الانسان بلا ملامح فلا يعرف فلا يحاسب وتتوه الافعال بين الناس
اولم يخلق الله لنا الملامح المختلفه لتعريف الناس عن بعض؟
فكيف تكون النساء بلا ملامح فلا يفرق بين امراه واخرى او حتى بين امراه ورجل
كيف ساشتكى امراه فى مكتب كله منقبات عندما تطلب منى رشوة - ده مثلا
المنقبه نفسها كيف ستذهب لقاضى فى شكوى او كيف ستعمل فى بيع وشراء او كيف ستحارب مع الرسول وتزود عنه؟
بالنقاب؟
وكيف تؤمر بخلع النقاب فى الحج اذا كان فرض
اوليس الامر واضح ام العيب فى راسى؟

وكذلك الموسيقى حرام والحديث يطول الافضل مراجعه كتاب فقه الاغانى للقرضاوى

ثم
عيد الحب بدعه
عيد الام بدعه
عيد الجلاء بدعه
عيد النصر بدعه
الخ
قالولنا فيه حل وسط
بلاش عيد خلوها يوم
لماذا؟
اصل الرسول قال العيد عيدان الخ

يا ناس فين روح الكلام
يا ناس ما هذا الفكر الذى يجعل من تغيير الكلمه مع ثبات المعنى هو فرق بين الحلال والحرام

صدق الامام الغزالى
قال
الاسلام قضيه مضمونه فى يد محامى خائب

Gid-Do - جدو said...

فريدة

اظهار الحب والعطف ـ للناس اللى تستهلهم ـ اعتقد انة لا يتعارض مع اى تشريع سماوى البعض منا يريد ان يحولنا الى مكينات ـ
كل ما استطيع ان اقدمة الى امى فى عيد الام القادم هو الدعاء لها بالرحمة والمغفرة وان يجازيها الله عز وجل على كل ما فعلتة من اجلنا غير الجزاء ـ تحياتى

محمد عبد الغفار said...

تعبتينى يا فريده الموضوعين دسمين اوى وعاوزين ردود عميقه جداً ، ووقتى زى منت عارفه

أعمل ايه بقى

الربان said...

تحياتي

أوافقك القول يا فريدة....

و لماذا لا تكون كل أيامنا أعياد...لماذا نتفنن في النكد و الحزن و الدموع....

الرسول صلي الله علية و سلم قال: تبسمك في وجه أخيك صدقة.... يا الله علي الجمال... بسمه في وجه الزوج أو الزوجه ...تفتح القلب و تصفي النفس مما يكون علق بها من حزن او الم... و كمان صدقة...

و قال صلي الله علية و سلم " خيركم خيره لاهله...و انا خيركم لاهله" أو كما قال..

يعني الرجل الخير البار هو الخير و البار مع زوجته و اولاده....يساعد و يعاون و يكون سند حقيقي للزوجه ...

أما الام و الاهل فحدث و لا حرج عن الايات القرآنية و الاحاديث النبوية...
عن مكانة الام و الاب...و صلة الرحم ...

الحقيقة الحب كل الحب السامي و المجرد موجود في الاديان...و المطلوب فقط ان نتعلم و نطبق فتصبح كل أيامنا للحب أعيادا...و للفرحة و البهجة عنوان..

وكل الحب و التقدير لكم جميعا.

Ahmed Salem said...

ست الكل "فريدة"

في ايييه؟؟ كلامك طبعا مظبوط و معقووول

بس مايوصلش لاقتناع انه "نقلد" الناس هما فعلا مختلفين عنا

ليييه ما يبقلناش حاجة خاصة بينا احنا

او ليييه متبقاش حاجة شخصية بين اي اتنين يكون ليهم العيد بتاعهم هما

فريدة اللي بنشوفوه يوم الفلان"طين"
مش تصرفات نفسها تحتفل بمشاعرها و الكلام الكبير "الجميل" اللي انتي بتقولي عليية ده

دي تصرفات تقليد عمياء

و ارجوكي يا فريدة مانخديش عني فكرة اني متشدد و الموضوع كله غباء في غباء

انا موافق على المبدا
لكن مش موافق طبعا على التطبيق او بمعنى اصح "التقليد"

على فكرة انا اول مرة سمعت قصة القس فالنتين, فعلا اعجبت جدا بموقفه, بس في الاخر الموضوع لازم يقف عند اعجاب فقط

و اخير لكل اتنين بيحبوا بعض بلاش بخل و تخلوه يوم واحد في السنة, خلوه 10, 20
كتتتتترو على قد ما تقدرو

ربنا يخلي ايامنا كلها حب

Anonymous said...

وانا ياستى كلامى مش هايعجبك
عالشان كده مش هاتكلم

طالما أنتى مقتنعه بالى انتى كاتباه خلاص

سعادتك قلتى وجهة نظرك وهى كويسه مش وحشة بس انا مش موافق عليها
تقولى متشدد تقولى متزمت براحتك

وبمناسبة عيد الأم هو ليه مافيش عيد الأب؟
ممكن نتكلم عن موضوعات اجتماعية احسن؟

على كل حال عالشان ماضيقكيش تانى لما مش هارد اعرفى انى معترض بس فى صمت
:(

بيتنا القديم said...

فريدة

انا متغاظ

من ردود بعض المشاركيين بالرد

يجماعة شوية تخصص

يعني لما يكون الأمر فيه دين نسأل فيه اهل الخبرة من العلماء الذين اتفق الناس علي وسطيتهم وحسن منهجهم
مش كل واحد يدلي بدلوه وكوزه وطشته

بالبلدي ندي العيش لخبازه...إشمعني لما سنان حد فيكو بتوجعوه بيجري لأحسن طبيب ولا يرضي بالأقل...لهذا الحد اصبح العلماء في الأمة مليار ونص...امال حالنا متدهور ليه لما العقليات الفذه دي موجوده

انا اوافق علي الطرح ولا اوافق المعالجة دون علم ودراية

ياجماعة الكليات مابتخرجش اي حد الا لما يجتاز قدر معين يقدر به يميز بين الصح والغلط...اشمعني في الدين كلنا بقينا بن مالل وابو حنيفة

المهم
بوست رائع...وبلوج جميل...ومتأسف علي حدة الرد
*********

تااااااااااااااااااااااااااج
****************************
ممكن تسألي نفسك بجد آذيتي مين النهاردة

ورفع إيدوه للسما ونكش شعره ودعا عليكي؟!

أيتها الفارسة الأنجلوساكسونية(متسأليش معناها إيه عشان معرفش)...اليك هذا التاج

إما ان تجوبيه وإما سجن المغووووول مدي الحياة مع حسن الهلالي جوز ياسمينة، اللي خانوه بدران، اللي كان شغال مع السيد شاهين، اللي هو كمال الشناوي
*********************

اسم مدونتك؟

لماذا اخترته.. ماذا تقصد به؟

هل فكرت في إغلاق المدونة.. والسبب؟

صورتك ف المدونة، رمزيتها؟

طبيعة كتابتك في المدونة بشكل عام..

سياسة.. قصة.. عبث.. كلام فاضي؟

لماذا تدون أصلاً؟

أحلى جملة قيلت لك في وصف مدونتك؟

التعليقات بالنسبة لك.. أهميتها؟

أحلى بوست كتبته.. ضع اللينك.. ثم اذكر لماذا؟

أفضل مدونة قرأتها.. يمكن اختيار عدة مدونات؟

أفضل بوست قرأته.. يمكن اختيار أكثر من بوست.. ومتنساش اللينك؟

هل خسرت صديق بسبب كتابة هنا؟

حد قل أدبه ف التعليق.. إيه رد فعلك؟

أسوأ مدونة.. الإجابة إجبارية.. ويمكن اختيار عدة مدونات.. هي كتيرة أصلاً :) ؟

أسوأ بوست.. لازم تجاوب.. ويسمح بتعدد الاختيارات؟

أسوأ مدون.. ما هو حاتجاوب حاتجاوب؟

انشر الآن بشكل حصري بوست لم تجرؤ على نشره من قبل.. مش محتاج أقول إجباري؟

ody911 said...

كلامك جميل أوى يا فريدة

وصحيح جدا برضوا

بس فى حاجة أنا عاوز أضيفها

بما أن عيد الأم يوم 21/3

فأنا عيد ميلادى 20/3


ممكن نضيفوا فى المناسبات يعنى

أهو هدية من هنا وهدية من هنا

ونكون نفسنا


آسف على التأخير


وعادى بقة
أودى

Amira said...

batoot
اولا اهلا بيكي لأول مره في مدونتي
على ما اعتقد

ثانيا
اي حاجه جتجيبيها لها حتعجبها
:)
انا شخصيا بحب تكون اتلهديه حاجه اللي قدامي محتاجها
و ده امر مهم جدا عندي
عشان كده تلاقيني بفكر طول السنه حجيب ايه؟
و اعرف هي محتاجه ايه و مجبتوش
و اجيبه

............
harmless
انا مكتبتش البوست عشان اهاجم اللي شايفين الاعياد حرام

قد ماكتبته عشان عاوزه نظرتنا للأمور تكون أقل حده و اكثر تفهما
بمعنى
اني لو شايفه في وضع غلط في المجتمع
بدل ما اقعد ساعة زمن اتكلم في وجود هذا الوضع الخاطي
افكر لمدة دقيقه و احط نفسي مكان اللي بيغلط و أسأل ليه الوضع ده منتشر

على العموم شكرا جدا لمتابعتك و مداومة تعليقك
أسعدتني و الله
تحياتي

Amira said...

جدو
حبيبي المدونه منوره
:)

طيب العيد الجاي عيد الام
بس انا بعتبره عيد الأب كمان
و زي ما بقول لأبويا كل سنه و هو طيب
بقولك كل سنه و انت طيب

و تقبل الله دعائك لوالدتك رحمة الله عليها

Amira said...

محمد
:)

انا مبسوطه فيك انك معندكش وقت تعلق
اصل لايومين دول انت بتقاوحني كتير

هههههه

لا يا سيدي
بجد كان نفسي تعلق
أول ما تفضى ابعت لي اللي انت عاوز تقوله
و حنشره و الله
انت عارف اني ديمقراطيه
و مبزعلش
تحياتي

Amira said...

الربان

تعليقك جميل جدا
وو الله صدقت

تحياتي لك
و شكرا لإهتمامك
.....

Amira said...

تجربتي

عشان اللي انت بتقوله انا وجهت تحيه لمصطفى و علي أمين

لأنهم عملوا لنا اعياد جميله خاصه بينا
فيها دعوه مفتوحه للحب
حب الأم و الزوج و الزوجه
و الأهل و الأصدقاء

و انا مش واخده عنك اي فكره انك متشدد ولا حاجه
و فاهمه قصدك كويس جدا

و ليك حق
و اتمنى اكون وصلت وجهة نظري صح
........

حسن محمود

اولا انت مش مضايقني خالص
ثانيا
من فضلك علق براحتك و اكتب اللي انت عايزه
ثالثا
من حقك متقتنعش بللي انا كاتباه
رابعا
مهما اوصف لك اني مش متعصبه لأي وجهة نظر بكتبها هنا
مش حتتخيل

و الله يا أستاذ حسن

انا من كتر مقدرتي اني اعبر عن وجهة نظر متضادتين في نفس الوقت و بنفس الاقناع
ساعات بيستغربوني اللي يعرفوني

انا مش منافقه
بس ساعات كتير احب احط نفسي مكان الآخر

عشان كده انا فاهمه انت ليه مش مقتنع
و مش يعارضك و الله و لا بعارض حد
بس انا كان نفسي اقول وجهة نظر

و اللي يزعلني فعلا انك متكتبش تعليقاتك
عارضني زي ما انت عاوز
هنا مدونه ديمقراطيه بمعنى الكلمه
:)

Amira said...

سمسم

اللي اتكلموا في الدين استشهدوا بأحاديث
و بعدين الدين الاسلامي قائم على الفكر و التفكير
مش لازم نكون شيوخ
بس لازم ما نتعصبش لوجهة نظرنا الشخصيه
ساعتها تكون المناقشه صح

ايه بقى التاج ده؟
انت متعرفش؟
انا مش بحب التيجان
و لي صديق بعزه جدا
بعت لي كذا تاج هديه
ملبستش منهم و لا واحد كلهم في الدولاب
:)

Amira said...

ody
ده انا حبعت لك احلى بوكيه ورد و
احلى هديه
و
احلى كارت معايده
بس كارت المعايده حيكون عليه
happy mother's day
اصل المكتبات في الايام دي مش بيكون فيها غير الكروت دي

عادي بقى
:)

أسوور said...

مش عارفة اقولك ايه بصراحة

عيد الزفت دة واجع قلبى

انتى فين وبقالك كتير مختفية ومش بتيجى تزورينى ليه

بالمناسبة فاكر البوست بتاعى الخاص بمشكلة بين زوجين

الزوج عمل مدونة مخصوص عشان يعرض فيها وجهة نظره فى التعدد ولأى حد عاوز يحاوه

عنوانها

http://nagibidris.blogspot.com/

BinO said...

عن الكلام عن البدع
هو ده أول البدع :)
نفسي أرد والله
لكن الكلام بقي كتييييير جداً
المشكلة أنه كلام من غير علم
كلام سطحي سمعناه في برنامج و لا عدي علينا في أعلان
كام سطر في مقال
أنما علم بحقيقة لحكم صحيح
أبداً
ناس بتقول وهابية
والله ظلموا الشيخ محمد بن عبد الوهاب
طب و السنة
ده ممكن لولاه كنا زمانا بنروح نتمسح في قبر من القبور لو شاء الله
وسلمولي علي عيد الملوخية بعد 50 سنة
ولا عيد الشفقة
طب عيد المسكنة
و15 عيد في شهر مارس 40 في فبراير
و ممكن نمط السنة شوية عشان نعمل عيد لكل مواطن
طب أنت عرفت
بعد وفاة رسول الله صلي الله عليه وسلم
عطس رجل أمام سيدنا أبوبكر الصديق رضي الله عنه , فقال الرجل الحمد لله و الصلاة و السلام علي رسول الله
تخيل ماذا فعل سيدنا أبوبكر
نهاه و قال له هكذا لم يقلها رسول الله صلي الله عليه و سلم .
أنها كلمة و احدة
ولكن تخيلوا لو كل واحد عبر بكلامه وأفعاله
ولكل واحد أعتقد أن اللي بيعملوا هو الصح
في الأخر حتلاقي كل واحد بيعبد ربنا علي مزاجه
التشريع مفيهوش أعمال للعقل مطلق
و مش أي أنسان يؤول
وعيد الحب بدعة
مش بس بدعة
ده قرف
طب عايزين تحصروا الحب في يوم
طب عايووووه في أكياس
طب حتي في زجاجات

طب لو الشوارع مفيهاش أشارات
كان ايه اللي حيحصل
أحنا كده
كل حاجة عايزنها سبهللة
مش عايزين قانون
ولو فيه قانون عمرك ماحتلاقي حد يلتزم بيه
طب مع اللي خلقك حتروح فين
كلهم كام ساعة و حتقابله
حتروح حتروح
مش قادر تستحمل كام ساعة
طب يا سيدي
عيد جلاء
و عيد ثورة
وعيد نيل و عيد فرات
وسلملي علي المترو
وبعدين أحنا خلقتنا كده
لو قفلت الباب
حتدور علي الشباك
ولو واربت الباب يا ويلك
ممكن الدلفة تنخلع من اللي حيعدوا
لازم خرازانة
هو لو كان الحرامي ابن ال..... كان بينقطع ايديه
كان زمان ده حالنا
طبعاً أنا محتاج أتكلم عن حالنا
شكلك مش بتنزل الشارع
البنات خلاص معدش فيه حاجة مش متغطية ألا حاجات بسيطة
بتنزل
وتقولي تضيييق
مش بقولك سلملي علي المترو
وبحبكم 365
أبويا و أمي
وزوجتي و أختي
وكل الناس
مش 24 ساعة
:)
وزورني كل سنة مرة
لو أفتكرتم

شوق الياسمين said...

مع العذر لكل المعارضين بس أنا مقتنعة بوجهة نظر فريدة

المشكلة وجهة نظر اللى حوالينا
عيد الحب تحول الى عيد العشاق

ونسى كل الأنواع المختلفة من الحب

Anonymous said...

ياست فريدة انتى من الناس اللى فعلا فريدة مش زى أى حد. وعارف من غير ماتقولى انك ديموقراطية. وجميل جدا انى اتعرف على ناس جميلة زيك وزى الست ياسمين و محمد عبد الغفار (اللى حاسس ان فى تطابق عجيب بينى وبينه فى الاراء)
شوفى ياستى أنا متفق معاكى انك عايزه تنشرى الحب ودى رسالة جميلة واحنا فعلا عايزين نغير سياسة الكراهية اللى موجوده بينا ونبدلها بالحب. وده مافيش خلاف عليه. بس مانجيش نعمل كده على حساب الدين
أنتى حاولتى تثبتى ان الدين مش بيعارض الاحتفال بمناسبات الناس التانية وقولتى فيها ايه لما نحتفل برأس السنة الميلادية عالشان ده ميلاد المسيح.
طيب ايه رأيك بقى ياستى ان السيد المسيح حسب المسيحيين نفسهم بيقولوا انه اتولد يوم 25 ديسمبر مش ليلة راس السنه. والمسيحيين الشرقيين (الارثوذكس –الغالبية المصرية) بيقولوا انه اتولد يوم 7 يناير مش 25 ديسمبر
يعنى اللى بيحصل ليلة راس السنه مالوش دخل بالمسيح خالص.

حاجه تانيه بقى. فى دول تانية زى التشيك وجزء من المانيا الشرقية بيحتفلوا بعيد الحب فى يوم تانى مش 14 فبراير. الهند ليهم يوم تانى. الصين ليهم يوم تانى كمان غير الهند والتشيك.
يبقى احنا ليه بقى ناخد اليوم ده؟
مش ده برضه نوع من غسيل الدماغ اللى ست سوسه المفروسه قالت عليه
أنا عارف ان القصة حلوه بس ماحنا كمان عندنا قصص كتير مش لازم نقلد الغرب ولا ايه رأيك؟
انتى تحترميه ماشى انما تحتفلى بيه كتير قوى عليه
وبعدين ياستى ماتعملى احتفالات بيوم جوازكم- خطوبتكم – اكيد هاتلاقى مناسبات تانيه يعنى
بس انتى كده ناوية تخربى جيب جوزك – الله يكون فى عونه

نيجى بقى للموالد اللى بتتعمل هنا. تصدقى ان دى كمان مالهاش علاقة بالاسلام....
زى مابتوع الشيكولاتة والورد عايزين يروجوا لبضاعتهم بتوع الحلويات غاروا منهم هموا كمان وقالوا مانعمل احنا كمان موالد. فى واحد صاحبى من طنطا اللى فى فيها مولد السيد البدوى بيقولى هو مش عارف مين السيد البدوى وبيقول كل الكلام اللى بيتقال عليه خيالى اكتر منه حقيقى

هيييييييييييييييه
طولت عليكى اوى معلش
وشكرا على كرم اخلاقك وكويس انك مش متعصبة لرأى – عايز ابقى أتعلم منك الموضوع ده
فى أمان الله وخفظه
ودمتم بخير

Amira said...

bino
أوالا شكرا لزيارتك و التعليق
نورتني

انا زرت مدونتك
و شكرا على المعلومات اللي نشرتها عن الشيخ محمد بن عبد الوهاب

انا متفهمه وجهة نظرك تماما
بس انا عاوزه اقول لحضرتك اني و الله مش بنشر البوست ده عشان اهاجم الوهابيه و لا لأني مع البدع أو الأعياد

الأمر أبسط من كده
انا بفكر ليه الغرب قدر يعمم فكره و احنا اللي عندنا الفكر الاسلامي مش قادرين حتى نعبر عنه صح

ليه العالم من حولنا تقدم
و ليه احنا واقفين محلك سر
ليه دين زي البهائيه طلع؟
و لو ركزت في الدين البهائي حتلاقيه دين مطور من الإسلام
بس العيوب اللي بيقولوا انها موجوده في الاسلام حلوها
التعصب و حقوق المرأه و تعدد الزوجات

ليه المتدين بقى متعصب؟
حضرتك حتقول لي عشان تركنا دينا
و ليه ميكونش ان في ناس عقدوا الدين لدرجه خلت الناس تبعد
او اهتموا بالقشور اكتر مما اهتموا بالجوهر

عارفه ان حضرتك مش حتقتنع بكلامي
وجايز انا مش عارفه اوصل لك وجهة نظري

عارف حضرتك ليه في فجوه بين الملتزمين دينيا و بقية الناس؟
مش عشان الملتزمين غلط
لا بالعكس
يا ريتنا حافظين القرآن صح و قارين الدين صح زيهم

لكن لازم تعترف ان فيه فجوه كبيره
اكيد مش السبب فيها العامه بس
الملتزمين مشتركين في المسئوليه
على العموم انا محترمه وجهة نظرك

لكن الجزء اللي حضرتك بتقول فيه

بعد وفاة رسول الله صلي الله عليه وسلم
عطس رجل أمام سيدنا أبوبكر الصديق رضي الله عنه , فقال الرجل الحمد لله و الصلاة و السلام علي رسول الله
تخيل ماذا فعل سيدنا أبوبكر
نهاه و قال له هكذا لم يقلها رسول الله صلي الله عليه و سلم .
أنها كلمة و احدة
ولكن تخيلوا لو كل واحد عبر بكلامه وأفعاله
ولكل واحد أعتقد أن اللي بيعملوا هو الصح
في الأخر حتلاقي كل واحد بيعبد ربنا علي مزاجه
التشريع مفيهوش أعمال للعقل مطلق
.

يا سيدي الفاضل
الدين يسر
انا مش عارفه ايه اصل الحكايه دي و ان كانت صحيحه ام لا
لكن مع احترامي
اقول الحمد لله
اقول الحمد لله و الصلاة على رسول الله
اقول الحمد لله رب العالمين

طالما اقولها من قلبي
و اقول كلمات من ديني
فسيقبلها الله مني
بإذن الله
التشدد الزياده
في محمد كان بيقول كذا و بيجلس كده
و بيلبس كده
يا سيدي و الله ماجاء الدين لنعبد محمد و لكن جاء الدين لنعبد الله
و ماجاء ليحرم كلمه اقولها و ماقالها محمد
و لكن جاء الاسلام ليكون كل منا داعية لدينه
و يكون كل منا قدوه حسنه

و من شدة ما يضيع البعض وقته في بحث ما مضى
نسي ان يواكب الحاضر
او يقدم فيه اي جديد

بربك ما تقوله هذا

هو ما يجعل البعض ينظروا لديننا على انه دين جامد

على العموم
اكرر احترامي
لكني استغربت المثال
تحياتي

Amira said...

ياسمين

انا آسفه على الغيبه
مش حغيب عليكي تاني

قريت للزوج و جالي ضغط و فقدان للكتابه
مش عارفه ارد عليه
:)
............

شوق الياسمين

اولا أهلا بيكي في مدونتي
وشكرا لتعليقك
فعلا هو للعشاق رغم ان معاني الحب اكثر شموليه

Amira said...

الاستاذ حسن محمود
:)

اللي فوق دي ابتسامه لأني سعيده انك اخخيرا عبرت عن وجهة نظرك بالكامل

انا موافقاك في حاجات كتير
و عشان كده في آخر البوست حييت علي و مصطفى امين
لأنهم عملوا لنا عيد حب خاص بينا و عيد ام كمان

و هو ده خلاصة القول و الله


وو الله يا سيدي مقلتش بحتفل بالكريسماس
انا بس قولت اني مش ببص لإحتفالاته نظره عنصريه بحته و لا بتضايقني في حاجه
لأن اولا لهم دينهم و لي دين
و ثانيا انا مؤمنه بعيسى

ارجع اقرا البوست كويس
:)

و متقلقش جوزي مش بيجيب لي هدايا انا اللي بجيب له
:(

و تحياتي لك.
و شكرا لتعليقك جدا

Anonymous said...

والله ياستى لو انتى اللى بتجيبى الهدايا يبقى كل يوم عيد حب
مش تنورينا من الاول بالمعلومة دى
:)
المهم فى تعليق فى البوست بتاع فقاعه من الكذب مش عارف انتى قريتيه ولا لا
أصلك ماعلقتيش عليه
اذا كنتى شفتيه كنت عايز رأيك فيه
بتاع الست سلسبيل
وشكرا
سلام

hamasat said...

فيري
الدين يسر وليس عسر وحديث النبي عليه الصلاة والسلام يحثنا علي التهادي لاظهار الحب والمودة لكن الظاهر معظم الازواج بيتجاهلوها من باب التوفير مش هنذم فيهم ونقول انه بخل
لكن الهديه مهما كانت بسيطة بتسعد وتشعر بالاهتمام وتجدد الحب والود

بلال حســــنى said...
This comment has been removed by the author.
أم أحمد said...

موضوع جميل بجد وكان نفسي اقري تعليقات ذي دي

أم أحمد said...

وردك علي ان عيد الحب مش حرام هو ردي علي صديقاتي اللي بيقولوا انه حرام
ونفسي اصحي في يوم والاقي عيد للصدق وعيد للإخلاص وعيد لكل القيم الجميلة اللي في طريقها للإختفاء

Amira said...

hamsat
و الله الهديه مش لازم تكون حاجه غاليه

و زي ما قلتي هي بس تحسس بالاهتمام و الود و هو ده المهم

بس يا ريت الناس تفهم كده

على اي حال تحياتي و اهلا بيكي في االمدونه
..............

bebo
موافقاك تماما لما قلت

الثابت اكتر اننا شعب عنيف وبيعتبر الرقه ف الراجل من شيمه انه مخنث
والدلع ف الست من شيمة انها مشروع بريستتيوت

......

Amira said...

sahar
كويس ان الموضوع عجبك و شكرا لاهتمامك و تعليقك

مش الغرض اني احلله او احرمه
قد ما هدفي اني اسأل ليه احنا بقينا كده
ليه كل حاجه غلط و بدعه كده

حرام او حلال
مين يقدر يقول

خد الكويس و سيب الوحش


على العموم كل واحد حر في فكره
و
تحياتي

uogena said...

بسم الله الرحمن الرحيم

الحقيقه يافريده ..ان هذه الفكره تدور بنفس تحليلك فى عقلى ..
كلما تكلم احد ان عيد الحب او الام الخ الخ هى بدع ..اجيبه انه تهادوا تحابوا ..
هى فرحه ندخلها على قلوب المقربين ..
على الاقل هناك يوم نتذكر فيه من تناسيناهم فى معترك الحياه ..
مكالمه ورده دبدوب كلمه .. اى شئ يجدد مشاعر جميله بنفتقدها مع الروتين والملل ..
باعتقد ان عيد الحب والام والزواج هى تلكيكه عشان نرجع للمشاعر الرقيقه ولاحياء الود بيننا ..

وان كانت بدعه سيئه فاتسائل مردودها بين الاشخاص اليس هو مايحسنا عليه الدين ..

اختصرتى ما فكرت فيه فريده ..

Professional Blog Designs by pipdig