الاعتراف بالحق فضيله

لأني دائما مقتنعه أنه من الأهم أن تفهم الآخر على أن تستميت لإفهامه وجهة نظرك
فأنا أعترف أني كنت غير موضوعيه في البوست الاول عن الاخوان المسلمين
لكني أذكركم أني كتبت في بداية البوست التالي
"ملحوظه
ما اكتبه في هذا البوست لا يعتمد على دراسه و ما هو إلى رأي شخصي جدا من واقع ما أراه في الحياه و قد يكون رأيي منقوص لأنه يعتمد على تجربه شخصيه لكنه رأيي المقتنعه به إلا أن يثبت لي العكس
........
و المسأله أنه لم يثبت لي العكس بعد.. و لقد سؤلت إن كان من اقصدهم هم السلفيين
لا .. انا كنت اقصد الاخوان.. و مابنيته من حكم كان عن طريق معرفه شخصيه لبعض الاخوان
.....
المهم
أنا أشكر جدا جد كل من علق
و أخص بالشكر
لأنهما رشحا لي كتب معينه لقرائتها
و هذا أروع ما يقدمه انسان لإنسان
أن يقدم له كتاب
محمد رشح لي كتاب عن الثوره
"خالد محي الدين " .... الآن أتكلم
و انا اعتقد اني املك هذا الكتاب في مكتبتي و لم أقرأه
و حامد رشح لي اني اقرأ لضياء رشوان
....
الجميل انه رغم اني مقالي لم يعجبهما ابدا
بالعكس بدوت فيه سطحيه و غاضبه و مندفعه
إلا أن نقدهما كان موضوعيا و مترفقا
و خصوصا حامد
اللي نقدني نقد موضوعي مفيد
.رغم اني حسيت ان المقال استفزه جدا
و في جمله منطقيه جدا كتبها
حتى لو كان ليهم أغراض سياسية إيه المشكلة؟أنا مش شايف أي مشكلة؟الناس بقت بتنقل الموضوع ده وبتتداوله وكأنه عيب دون أي تفكير عن أبعاد الموضوع وأسبابهيعني إيه المشكلة لما ألاقي بلدي مليانة فساد .. وأنا شايف (بغض النظر عن صحة الشوف) إني ممكن أصلح ؟إيه المشكلة لما يكون ليا أغراض سياسة علشان أصلح؟ثم حتى إيه المشكلة إن يكون ليا أغراض سياسة بشكل عامما كل الأحزاب ليها أغراض سياسة .. وإيه المشكلة لما يكون ليك غرض سياسي ما انتا لو مالكش غرض سياسي يبقى نروح ونقعد في البيت ونلعب جيمز على الكمبيوتر
......
طيب
بس انا برضه مش مقتنعه بالاخوان انهم يمسكوا الحكم ...انا مقتنعه ان اكيد الحكم على فكرهم مش لازم يكون بالسطحيه اللي انا حللتهم بيها... لكن انا مش مقتنعه بيهم... فعلا حاسه انهم مش هم الحل...على العموم سأقرأ ما نصحتموني به..و يارب اقابل أخ أو أخت يغير وجهة نظري
............
جدو بخبرته و موضوعيته قال في تعليقه
التاريخ فية الكويس والوحش وفية ناس من قبل الثورة مخلصة رغم انهم كانوا اغنياء وثروتهم كانت لمساعدة الغلابة لكن الثورة عملت كل البشوات والبهوات فاسدين ـ المهم الكلام مالوش اخر ـ وفية توضيح علشان موضوع التدوينة ـ مصر والمصريين طول عمرهم ناس متمسكة بالدين فى كل العصور الدين كان فى تركيب المصرى وفية فرق بين دكتاتورية متسترة وراء الدين والدين منها براء وناس متدينة بتعيش مع بعض باحترام مشاعر بعض ومقدسات بعض والرسول علية الصلاة والسلام عاش فى المدينة المنورة مع اليهود والمسحيين لانهم اهل كتاب ولولا مكر وتامر اليهود وعدم احترامهم للمعاهدات مكنش الرسول علية الصلاة والسلام حاربهم ـ ولازم الناس تعرف كدة ان الحروب بين المسلمين واليهود لم تكن بسبب ارغامهم على الاسلام ولكن كانت بسبب عدم الوفاء والالتزام بالمعاهدات ـ
.............

Comments

الأعتراف بالحق من اسمى المعانى واهم شيم الرجال لا محالة

اما ما اريد التعليق عليه فهى قيمة غائبة حضرت هنا وبقوة ألا وهى قيمة أحترام الأخر فرغم انه من الواضح جداً مدى المعارضه والأختلاف بين الجميع الا انه لا انت ولا الأخرين فقد أحترامه للاخر لحظه ولم يكن هدف الجميع إلا إظهار الحق وتوضيح الصورة اياً كانت وجهتهما

الأن انا مفعم بالأمل طلما يوجد فى شباب مجتمعنا من هم مثلك ومثلهم ، انا فعلاً سعيد بك وبهم واشعر انى اتنفس هواء نقياً هنا

ونرجع للأعتراف فحضرتك مطالبه بالإدلاء بخمس اعترافات وراجعى اخر موضوع عندى لمزيد من التفاصيل
حسن محمود said…
أسمك حلو والبوست حلو والصوره اللى أنتى حاطاها حلوه جدا.
طبعا مكنتش أتمنى أنك تبتدى المدونة بهجوم على الاخوان المسلمين بس طالما ده اللى فى نفسك خلاص جميل مش وحش . أكتر حاجه عاجبانى فيكى هى موضعيتك وحيادك وان أنتى مش زى ناس تانيه شايفه الاخوان كلهم شر أو كلهم خير. أنتى قلتى كل اللى أنتى حاسه بيه وده جميل جدا. على الاٌقل أنتى شايفه فيهم نواحى كويسه.
المهم بقى ياستى ماينفعش تقولى انهم مش الحل وماتحطيش بديل ليهم. طيب أنتى شايفه أنهم مش الحل , كويس ايه بقى الحل؟ ماهو الانتقاد شىء سهل انما البحث عن الحل هو اللى صعب . وأنا مع الأخ محمد عبد الغفار لما أقل هموا أحسن الحلول
على كل حال أشكر ليكى شجاعتك وان شاء الله طول ما مصر فيها ناس زيك كده هايبقى فى أمل مستقبل أفضل وأحسن.
Gid-Do - جدو said…
العزيزة فريدة
اشكرك على مراجعة نفسك ومحاولة توضيح موقفك ودية شجاعة فى ابداء الراى ـ ونقدر نقول مفيش شئ فى الدنيا ثابت واللى غير مقبول النهاردة ممكن بكرة تتغير الظروف ويصبح مقبول خاصة ان تجربة الديقراطية فى مصر لم تبدء بعد او على احسن الظروف بدءت تتحرك اولى خطواتها ـ وناخد مثال من التجربة الامريكية فى موقف الناس والحكومة من المواطنين السودـ الاسم الحالى الامريكان الافارقة ـ ازاى كانوا وازاى اصبحوا ـ فبة مرشح النهاردة للرياسة من اصل افريقى ـ ومثال اخر حقوق المراة وبرضة فية زوجة الرئيس كلينتون مرشحة قوية للرئاسة المرة دية ـ لابد من الممارسة علشان الكل يتعلم وبعد كدة مين عارف يمكن برنامج حزب اسمة الاخوان يفوز ويحكم لكن التجربة محتاجة سنوات طويلة قبل كل دة ما يحصل لكن الان لااعتقد ان مصر مستعدة ان تحكم باى حزب دينى مهما كانت نواياة ـ تحياتى
Blank-Socrate said…
اختى العزيزة دائما التفكير فى الامور المصيريه لامه يكون بطريقه 1+1=2 يعنى من وجهة نظرى فى مصر يوجد شريكين من الوجهة الدينيه لذا اقامه الدوله على الاساس الدينى اخلال صارخ للشريك الاخر بدون الدخول لتفاصيل ...ايضا فى العالم الحالى اى وجود لطابع دينى خاصة اسلامى يسبب الكثير من الحرج و التعطيل لمصالح البلد كلها ثالثا الدين اصلاح الامه ليس بسيادة الدين فى الوله و لكن بسيادة الدين فى القلوب هذا ما نجهله جميعا لذا لو انصلحت الجماعه برغبتها الخاصه انصلحت الامه و لم تم اصلاحها من الخارج بالاجبار انتشر العقوق و الفساد كالسوس من الداخل اخوتى جميعا لو امسينا مصرين ضعفاء و كنا فى الصباح مصرين شرفاء يحكمن المنطق و الضمير انصلحت الامه اتمنى ان تعيدوا قرائه كلماتى بمنطق 1+1=2 و ليس العصبيه و السطحيه اشكركى اختى فريدا لهذه المساحه التى اتحتيها لى لكى اقول اتقوا الله فى انفسكم اولا
Anonymous said…
الصورة حلوة جدا؟؟؟

عجبي

هل كان لابد من العري و اظهار الثدي والحلمة تعبرين بهم عن نفسك

هل هو اسقاط يعبر عن حنية الأم مثلا

ام يعبر عن شعورك بأنوثتك وبمدى جمال ثدييك وانك يجب ان تظهريهم مقياسا لجمالك و انوثتك

هل بأمكانك التعري واظهار ما تظهره تلك الرسومات في الواقع الشخصي

لا اقصد الاهانة ولكن استفزتني الصورة
Anonymous said…
وهل لو كان ذلك هو المعيار

فهل لابد ان اضع صورة عضو ذكري متضخم علي باب مدونتي واقول انا اهوة سيد الرجالة ؟؟

أتقي الله

فكل من ينظر لتلك الصورة يزيد من رصيد سيئاتك
Mamdouh Dorrah said…
اديني في الهايف وا انا احبك يا عاكف

انا موافق علي ان الاخوان جماعة ظلامية متسترة بالدين....ما يهمهمش الدين في شئ اد ما تهمهم السلطة و الحكم...شوية بهلونات
Mamdouh Dorrah said…
اديني في الهايف وا انا احبك يا عاكف

انا موافق علي ان الاخوان جماعة ظلامية متسترة بالدين....ما يهمهمش الدين في شئ اد ما تهمهم السلطة و الحكم...شوية بهلونات
farida said…
محمد

شكرا لك

بس انا مش عاوزه اعترف
farida said…
This comment has been removed by the author.
farida said…
حسن محمود

أولا شكرا لتعليقك

انا قلت الحل ان احنا لازم نحدد فترة الرئاسه

و مهما كان اللي حيمسك الحكم فهو حيمسكه لفتره و احنا لينا حق القرار ينفع و لا ما ينفعش

ممكن الاخوان يخلوها خلافه و كل خليفه يسلك اللي بعده

مصر طول تاريخها بيحكموها الحكام بدون اختيار الشعب

آن الاوان ده يتغير بقى

.....
farida said…
ممدوح دره

يااااااااااااااه
من زمان لم تشرفني بتعليقك

اذا اننت متفق معي على انهم لا يصلحوا للحكم
حسن محمود said…
ياستى مافيش اختلاف على رأيك اللى بيقول ان ايا كان اللى هايمسك لازم يبقى أقصى مده فترتين ولازم انتخابات حرة. بس أحنا نعمل كده أزاى؟
هو ده السؤال.
عارفه فكرتينى بقصة قديمه أوى أخدناها فى المدرسه عن قطة كانت دايما تهاجم الفيران. الفيران زعلوا وعملوا مجلس وقعدوا يحطوا أفكار لحد ماكلهم وصلوا أن أحسن حاجه يربطوا جرس فى رقبة القطه. المهم وقفوا بقى على مين اللى هايتشجع ويركب الجرس فى رقبة القطة؟
مين بقى اللى هايجبر الوطنى ولا الحكومة أنها تعدل الماده دى من الدستور؟
farida said…
حسن محمود
حلو جدا تشبيهك ده

متهيء لي الفئران لازم حتتجمع و تعلق الجرس

مش لازم تستنى الاخوان
او كفايه

الناس اكيد حتتجمع في يوم ما
و ساعتها القط حيهرب
الأخ مجهول الهويه اللى هاجم الصوره

بما انك من الغيورين على الحسنات والسيئات وتعاليم الأسلام

الم يبلغك يا اخى قول رسول الله (ص) إن الحقائق مره فإستعينوا عليها بخفة البيان او كما قال صلى الله عليه وسلم

ام انك من الفئه التى قال عنها رسول الله (ص) يبصر المرئ القثى فى عين صاحبه ولا يبصر العود فى عينه او كما قال صلى الله عليه وسلم

أخى
إن كانت الصورة استفزتك فتعليقك شديد الأستفزاز

Popular Posts