أنا في وحدتي بلد مزدحم

الفن ليس لهوا و لا حتى ترفا رفيعا إنما هو ضرورة ملحة من ضرورات النفس الإنسانية في حوارها الشاق المستمر مع الكون المحيط

كتاب دراسات في الفن

رمسيس يونان

صباح السكر,على الدنيا , على كل كلمة حلوة اتكتبت و كل لوحة حلوة اترسمت و كل نغمة جميلة , بتخلي الدنيا أحلى و تهونها على اللي عاوزها تهون.

في الكتاب , بتفهم ليه الفنانين اتجهوا للسريالية , لأن الحرب العالمية , أثرت على الفنان , جعلته يتجه للا معقول , للسريالية في الرسم و الوجودية في الفكر و فلسفة اللامعقول في الكتابة , لأن الواقع كان دامي بمعنى الكلمة , أيام ما العالم كله بلا مبالغة كان في حرب

 في الحياة ,  بعد الثورة ,بلدي بتعيش عبثية , و دلوقت أنا فاهمة ليه دايما عاوزة أرسم لوحة سريالية بعرض الحائط

يا اما هكتب خيال مطلق , يا اما هسافر و أكتب انجليزي

إن شاء الله

صباح الفن

العنوان , عبارة للصديقة الجميلة غادة محمود من مدونة مع نفسي