مدونة حكايات فريدة

أغاني مش عاجباني

في تعليقاتي على البوست اللي فات
قلت كام كلمه استمخيت منهم جدا
و بيعبروا عن فكرتي
احنا شعب يحب الاغاني جداو بيحس انها جزء من تعبيره عن ذاته و مش بيهتم انه يشغل الاغنيه بصوت عالي و كأنه بيفرض على الكل سماعها معاه
.....................
الاغنيه بيتعبر عن كاتبها و ملحنهاو إحساس المستمع بيهاو خصوصا لو كانت متعلقه معاه بذكرى
و مش بالضروره تكون بالنسبه للمستمع تعبر عن المدون نفسه او البوست
......................
و النبي عمركوا شفتوا كتاب و لا جرنال يتوزع معاه شريط عليه عبارةالاغنيه التي بالشريط ليست من تأليف أو تلحين صاحب الكتاب لكن سماعها مع القراءه اجباري لأن الكاتب يحبها جدا
!!!!!!!!!!!!!!!!!
.....................
يا جماعه القراءه ليها اصولهاده في المكتبات بيمنع تشغيل كاسيت و بيكتب يافطه نرجو التزام الهدوووووووء
موضوع الاغاني ده غير مهني بالمره
...................
و الله يا بني انا زهقت من الاغاني كام قناة في التلفزيون و الاعلانات كلها أغاني و كل الجديد في مصر أغاني و في التاكسي و الميكروباص أغاني و على الموبايل أغاني
احنا شعب مدمن على الاغاني و خصوصا الهابطه
.............
و كل ما بروح في حته بلاقي رائعة الفنان المبجل سعد الصغيرالعنب العنب العنب
بقول اكيد حييجي اليوم اللي يحقق فيه شعبنا امنيته العظيمه و يكون من حق كل مواطن ارتجال أغنيه خاصه بيه و اذاعتهاتحت عنوان
مشروع الاغاني للجميع
او اغنيه لكل مواطن

15 comments

Anonymous said...

AAAAAAAAAAHAHAHAHAH!
IT IS SO GOOD TO BE BACK!

Brilliant ya Farida! Brilliant!

أحب أقول لك اني وقفت أسقف على أغنية لكل مواطن!!!!!!!!! عظيم عظيم

طيب كفاية بقه لحسن حيضربوكي و حنشمعلك البلوج! هاها

برافو
Your loyal fan,
FS

Unknown said...

يا مساء الفل

أنا اقتنعت و خليتها
false
يعني التشغيل اختياري يا فندم
كويس كده ؟
....
تحيات بالاشارة علشان الهدوء

Anonymous said...

مش عارفة عندي احساس انك زهقانة من حاجة وبتطلعي غلبك وقرفك في موضوع الاغاني دة....
حاجة سهلة اما انك تقفلي الصوت او تبطلي تدخلي علي المدونات اللي عاملة اغاني من غير ما تزعقي في خلق ربنا .... كل مواطن من حقة يعمل اللي هوة عايزة في البلوج بتاعة....
اوف

يا مراكبي said...

تخيلي إن أغنية باحبك يا حمار ما عرفتش بيها إلا من واحد صاحبي في أمريكا؟ يعني وصلت أمريكا قبل الكويت

طبعا هو مش معجب بالأغنية قد ماهو مندهش من الإنحدار الغير عادي ده .. وفعلا الواحد بقى بيحس إنه من كوكب تاني

بلاش موضوع أغنية لكل مواطن ده .. كفاية اللي إحنا فيه لحد كده

تحياتي

tota said...

فريدة
طيب متزعليش هو الخلل فى مفهوم الحرية
انا اتفق ان الحرية داخل بيتك ماشى حيث لن يتطلع عليك احد اما المدونة ماشى هى بيتك بس اللى كل الناس بتزوره من غير دعوة وبتسمع وبتقرى
وللاسف ممكن نخسر مدون علشان هو شايف ان حريته انه يسب او يشتم غير متصور ان عينى بتشوف الكلام ده لكن حريتى بتخلينى ارفض زيارته
مش عارفة هل لو مدون بشغل اغنية مش بحبها هرفض زيارته متمسكة بحريتى ؟ الرد يتوقف على مدى اهمية المدون اولا
التحكم فى الصوت بالغائه اثناء القراءة ودى سهلة خالص
استخدم التنبيه الرقيق
اعتقد كلها حلول اخترتى انتى احدهم واحترم شجاعتك لان الاختيار الاخير اقساهم
تحياتى

Anonymous said...

ست فريدة
حضرتك متأكده ان فعلا موضوع الصوت والاغانى دى هى اللى مضايقاكى؟

ماتزعليش نفسك خالص مافيش حاجه تستحق
روقى
انتى قلتى انك ممكن تقفلى السماعات وخلاص
اما عن الاغانى بقى ربنا يستر
هى فعلا بقيت قمة الانحطاط

والف شكر على تعليقك على المدونه

اذا كنتى زهقانه وعايزه تقرى قصه طويله قوى قوى فى مدونه بتاعت واحد كويس اسمه الغزالى

http://elgazaly.blogspot.com/
بس خالى بالك مشغل موسيقى مش أغنيه

بس الحقيقه انا شايف انها ماشيه مع موضوع البوست
مش قولت ليكى احيانا الموسيقى مع القراءه بتعمل جو
اعتبريها مؤثرات صوتيه زى الافلام كده
او اقفلى السماعه
اللى يريحك

وخدى بالك من نفسك
وسلام

الدبور said...

وقد تفضلت السيده قرينته باطلاق مشروع اغنيه لكا مواطن في اطر من التشجيع المستمر من السيد الرئيس
ممكن تقري العنوان ده قريب في الجرايد القوميه
بس بصراحه
الاغاني بقت من غير كلمات او الحان مجرد استعراضات سمجه و بايخه من اشباة الرجال امثال سعد الصغير
اما موضوع الاغاني اللي بتحمل في الصفحه فهي فعلا شئ ممل وخنيق جدا

تحياتي
الدبور

Amira said...

f.s

thanks alot
you always make me smile
i'll stop khalas
this is so enough
:)

..................
amira
يا مساء الخير
شكرا شكرا
علم يا فندم
و سنأتي لزيارتكم
.............
anonymous
ههههههههه
لا و الله مش بعمل اسقاطات
و لا بحاول اتعدى على حريات الغير

انا بس بعلق على حاجه مش عاجبني
زي ما حضرتك جيتي علقتي عندي كده بالظبط على بوست مش عاجبك
و اتهمتيني اني بزعق
و قلتي اوف
طب انتي علقتي ليه؟؟؟؟
تيجي كده تنتقدي خلق ربنا من غير ما تسيبي اسم و لا عنوان
...............
يا مراكبي

آآآآآآآآآآه
ازاي نسيت ذكر الاغنيه العظيمه دي
:)

قول له ان فيها استعاره مكنيه بليغه و ان المقصود هو بوش
هههههههه
تحياتي

Amira said...

tota
يا الف اهلا وسهلا

عقبال ماشوفك رجعتي للكتابه تاني

لا بجد نورتيني بالزياره و اسعدتيني جدا بالتعليق

انا عارفه اني غلسه في كتابتي للاحتجاج ده
بس كلام في نفسي و كان نفسي اقوله
معلش
:)

يا ريت اشوف تعليقك على طول

Amira said...

حسن محمود

و الله يا استاذ حسن مش بعمل اسقاطات و لا بطلع عقدي عليكم
مش متضايقه من حاجه تانيه و بتكلم في دي

بس فعلا الموضوع غير مهني
و مستفزني كقارئه

المهم

انت كده حتعودني على تعليقاتك و لو غبت حزعل بجد

و بعدين ما تفكر تعمل مدونه
عشان اعرف لك عنوان اسال عليك فيه

شكرا للرابط
حشوفه
تحياتي
و سلام

.......................

الدبور
اهلا وسهلا بيك
منورني
بس من غير لسع ربنا يكرمك
:)

ممكن و الله
اصل الاغاني مع الحشيش هم المسكن الرسمي دلوقتي

و الاغاني مش الطربيه زي ايام ام كلثوم
لا
طرب ايه بقى؟ معدش يحوق الهموم زادت قوي

النسوان لازم تقلع
و الرجاله تبحلق
و النسوان تلسع عشان عاوزه تبقى زي النسوان اللي في الاغاني
و الرجاله تحشش
و النسوان تخسس

و
تحياتي

بلال حســــنى said...
This comment has been removed by the author.
Amira said...

ohebo
عندك حق
و فعلا مين يسمع فيروز وسط الاسفاف الموجود ده

محمد فؤاد زماااان
كان كويس
دلوقتي
زيه زي غيره

تحياتي

... said...

فريدة

أعلنت تضامنى معك بإيجابية شديدة

حذفت الأغنية
:(

وباسمع دلوقتى انتريور

حلو كدة

انا اقتنعت بكلامك وخصوصا انى حسيت انى بازعل لما حد يلغوش على وانا باسمع

تحياتى

الحمقاء المضلله innominate x said...

والله يا فريدهزي ما قلتي بالضبط على الأغاني

Amira said...

حلم
يا حبيبتي طب زعلانه ليه

و الله مش قصدي اخليكي كده
:(
عاوزاكي على طول كده
:)

اسمع براحتك يا جميل
و مبسوطه انك فهمتيني صح

تحياتي
و جايه لك فورا لأقرأ في هدوووووووووووء
...............
innominatex
اولا مرحبا
ثانيا شكرا


يعني انت كمان متفق معي
تحياتي

Professional Blog Designs by pipdig