مدونة حكايات فريدة

لأن مصر مفيهاش رجاله


ليه؟؟؟

الكل يتسائل ليه؟؟؟

طفله عندها 11 سنه تغتصب و تحمل و تلد

و الفاعل يفرج عنه حت يثبت ال

DNA

انه الأب

!!!!!!!!!!!!!!!

الكل يتسائل ايه القانون ده؟؟؟

اللي يخلي راجل زي ده حر طليق

ليه؟؟؟؟؟

و قانون ايه اللي يخلي عقوبته حبس كام سنه و بعدها يطلع حر طليق

الراجل ده قتل الطفله دي

ليه؟؟؟

فين اعضاء مجلس الشعب الموقرين؟؟؟

فين الوزراء؟؟

فين المسئولين اللي في البلد اللي يهتموا بإثارة قضايا من هذا النوع لتغيير قوانين من هذا النوع

؟؟؟؟؟؟؟؟؟؟

طب دي مش سياسه و لا فساد و لا داخل فيها كبار و لا حتى صغار

دي حاجه بينا كشعب في بعض

شوية حيوانات " وو الله الحيوانات أنضف" بينتهكوا حرمات نسائنا و يغتصبوهم بالإكراه

عاوزينهم يتشنقوا

يتحبسوا مدى الحياه

يبعدوا عننا

عضو في المجتمع فاسد و محتاج البتر

مفيش في مصر راجل واحد يتبنى القضيه دي

مفيش فيكي يا مصر راجل يرجع للبنت اللي في خامسه ابتدائي و اغتصبت و بقت ام حقها

مفيش فيكي يا مصر راجل يحبس الراجل ده

ليه؟؟؟؟؟؟؟؟؟؟؟

لأن مصر مفيهاش رجاله
...............................
اقرا الموضوع ايضا هنا و هنا

16 comments

abderrahman said...

ساعات كان الواحد يقرا في احداث تاريخية حمضانة في كتب التاريخ
ودايما كان فيه سؤال بيدور في بالي
طب هما الناس كانوا فين في الوقت ده؟
طبعا أقصد تاريخ مصر و البلاد اللي شبهها
فيه بلاد تانية مكنتش بحس بالاحساس ده كتير.
**
الحكاية اننا بنتفرج

Anonymous said...

سفهاء القمه هم داء الأمه

كلما وقعت واقعه مثل ما وقع للطفله هند ، اطل علينا المنظرون والمحللون والمعلقون من كل حدب وصوب صابين جام غضبهم على الفاعل المباشر ، متسائلين : "ما الذى اصاب المجتمع ؟" رادين الاسباب الى المجتمع والاسره وغياب القدوه واختلال منظومة القيم ، وهذا صحيح فى ظاهره ، لكن هناك سبب جوهرى غير ظاهر على مسرح الاحداث هو الذى انتج هذا الفاعل المباشر ، فإذا نظرنا للواقع المصرى نظره شامله دون التقيد بملابسات ودوافع هذه الحادثه لوجدنا أن الجانى عموما فى مختلف الحوادث هو فى حقيقته من المنتجات الوسيطه للقيم السلبيه التى تنساب من قمة الهرم الإجتماعى إلى قاعدته والتى جلبت لنا الكثير من الكوارث ، وأن الجناه والضحايا إجمالا هم ضحايا المناخ السياسى والإقتصادى والإجتماعى الملوث السائد فى المجتمع
وحيث ان منظومة القيم التقليديه هى الستار الواقى للمجتمع من الأنواء والامراض الإجتماعيه فمن المنطقى أن يتم الإمساك بأطراف هذا الستار وإسداله من قمة الهرم إلى قاعدته وليس العكس مع الحفاظ على ديمومة إنسياب تيار من القيم والمثل العليا من معين لا ينضب ، قيم ومثل مطبقه عمليا فى سلوك وممارسات القائمين على القمة ، تيار قيمى متجه للقاعده بتأثير قوى الجاذبيه الإجتماعيه ليتخلل لبنات الهرم الإجتماعى فى مستوياته المختلفه والذى يكون له بمثابة البوصله الحيويه التى تحكم سلوك الأفراد والجماعات وتقودهم إلى الطريق السوى والذى يستلزم من القائمين على القمه إخلاص النوايا ومضاعفة الجهد للحفاظ على نقاء وشفافية قنوات الإتصال بين مستويات قمة الإداره والمسئوليه وبين القاعده الإجتماعيه ، والقمه دائما هى المثال والقدوه للقاعده ، والقاعده دوما تصطبغ بما يرشح من القمه
والذى اصاب المجتمع تم بأيدى أهل القمه الذين تربعوا على قمة الهرم الإجتماعى فى العقدين الأخيرين وعملوا فى دأب على تقطيع احبال الستار القيمى الواقى للبنيه المجتمعيه وتمزيقه لما يسببه لهم من إعاقة حركه وما يستلزمه من جهد للحفاظ عليه وفضلوا توجيه هذا الجهد لتحقيق مآرب خاصه ، واستبدلوا معين القيم والمثل العليا بمعين يلائم اهوائهم ويصب فى إتجاه تحقيق اهدافهم ونواياهم الفاسده ، وعلى مدى العقدين السابقين حتى الآن تشبعت لبنات الهرم الإجتماعى بما يرشح من هذا المعين الآسن عن عمد والذى استتبع إعمال قوى التحور الطبيعيه على الأحياء لتتلائم وتتعايش مع البيئه المحيطه بها وفقد المجتمع المناعه والقدره على الإندهاش او الإستنكار لكثير من السلوكيات الشاذه عن المنظومه القيميه التقليديه لانها اصبحت سلوكيات تتماهى مع المزاج العام للمجتمع المتحور
والخلاصه أنه قبل أن نفكر فى إستئصال الخلايا الفاسده من الجسد نعمل أولا على إجتثاث وتجفيف المنابع المغذيه لها والمفسده لغيرها
وأن هذه الطفله الضحيه هى من ضحايا السلاله الجديده المهندسه إجتماعيا وقيميا طبقا للفكر الجديد، ومع هذه الكلمه الأخيره يبدو لى اننى ايضا من المنظرين ولكن فى اتجاه آخر جديد....فهل من جديد؟

احمد فتحى

karakib said...

law fy ay 7aga yenfa3 tet3emel lel bent di
nebda2 ne3melha

محمد حمدي said...

السؤال هو

طالما القانون غايب كدة

مفيش راجل فى مصر يغتال الحيوان دة ؟

وفى النهايه شكرا على اللينك والمتابعه وياريت تشوفى

www.bloggers-times.blogspot.com

محمد عبد الغفار said...

ولا ستات وحياتك

... said...

حياة زفت من الآخر هنا
ويمكن فى حتت تانية

بس طبيعية
طبيعى ان الدنيا يكون فيها حيوانات لابسين هدوم

عدى النهار said...

فى رجالة كتير وممكن يكون أكثر مما نتخيل لكن هل المجتمع ممكن يتقبل رد فعلهم اللي مافيش مفر من إنه يكون عنيف؟

هل سيقتصر رد فعلهم على هذه الحالة فقط أم سيمتد لكل ما يرونه سبباً وراء هذه الجريمة؟

هل سيتمكن أحد من السيطرة على رد فعلهم وتوجيهه فى الإتجاه السليم أم سينتهى بنا الأمر إلى عنف شديد يمس كل شىء وعنف أشد مضاد من الدولة ؟

حالتنا يمكن وصفها بأنها
deadlock
لكن أملنا فى ربنا كبير

harmless said...

أنسيتى ان المتهم برئ حتى تثبت ادانته؟
لنقتص منه
نرجمه او نشنقه او نقطع يده ورجله من خلاف
لكن بعد ان تثبت ادانته

صاحب البوابــة said...

بجد مش عارف اقول ايه

:(

احنا فعلا كلنا مدانين

Amira said...

عبده باشا

انا ساعات بسأل نقسي يا ترى التاريخ جيكتب عننا ايه
..............
أحمد فتحي

قرأت كلماتك بتمعن
و لو ان اسلوبك في التعبير غير بسيط
الا ان مضمون فكرتك صحيح
لكن معنى اننا نصب جام غضبنا على الفاعل المباشر لا ينفي بأي حال من الأحوال أننا ندرك حجم الفساد الذي وصل بالمجتمع لإنتاج هذه النوعيه من البشر
.................

karakib
ya reet
but it's all in law hands
...........

Amira said...

محمد حمدي

لو اغتال كل منا كل ظالم
لتحولت مصر الى غابه
كل ما اطالب به ان يكون القانون منطقي

تحياتي
و يسعدني التعرف على مدونتك
........
محمد عبد الغفار
أمال مصر فيها ايه؟؟؟؟
!!!!!!!!!!

..........
حلم
لكن الحيوانت مكانها القفص
و ده اللي لازم يكون
مش كام سنه و يطلع يعتدي على غيرها

تحياتي

Amira said...

عدى النهار
كلامك صحيح و لاح حل سوى في تغيير القوانين في ظل الظروف الراهنه لتوفي مجتمع اكثر أمنا

تحياتي
............
harmless
لكن يجب ان يظل المتهم في السجن الى ان تثبت ادانته
في مثل هذه القضايا
لا يوجد هامش لتعريض آخرين لمثل هذا الموقف
او لإتاحة للمتهم فرصه للهرب
.................

صاحب البوابه
فعلا
كلنا مدانين
لأننا لا نملك سوى العجز

محمد عبد الغفار said...

أشباه

كل حاجه عندنا شبه الحاجات اللى مفروض تكون موجده

فقط اشباه

Unknown said...

لا متخليش غضبك من موضوع كلنا مضيقين منه تضايقى ناس كتير منك


لا مصر البلد الوحيده يمكن الى فيها رجاله و رجاله مستحملين و صابرين و شايلين جبال و بيصرفوا على بيوتهم و عائلاتهم فى ظل الغلا البشع ده و كمان رجاله بيطلب منهم يجيبوا شقه و فرش و شبكه و هدايا و دنيا و بينحتوا فى الضخر علشان يروحوا لبنت اموره و يتقدمولها و فى الاخر هى ممكن تقبل او ترفض


يا بنتى هوه فى رجاله الا فى مصر


تحياتى

Blank-Socrate said...

طلع برىء
و البنت سيئه السيرة
و ابتزت الكل عاطفيا و منهم فريدا+
+
مفتقدتك
كان اول تعليق فى مدونتى ليك

Anonymous said...

فريده ومدونتك بجد فريده انا اول مره اقرا مدونه واحبها مدونتك مش بس بتعبرى فيها عن احاسيسك الشخصيه لكن كمان بتعبرى فيها عن احساسك اتجاه اى حاجه بتحصل فى المجتمع رغم انها مش مدونه سياسيه وده اللى عجبنى فيها لان معظم المدونات اللى فت عليها بلاقيها سياسيه وانا ما بحبش السياسه خالص ولا احب اتكلم فيها افهم اه من بعيد لبعيد يعنى -اهنيكى عاى المدونة

Professional Blog Designs by pipdig