مدونة حكايات فريدة

مصر هبة النيل و النيل هبة مين؟؟





المفروض يكون هبة المصريين

لكن يبدو ان الجمهوريه العربيه المصريه تود ان تصل بنا الى الحضيض

فبعد غلاء اسعار الطعام

بقى لنا الماء

لكن هيهات

أيظن المصري أن له حق في القرن الواحد و العشرين في شرب ماء نقي نظيف و رخيص من ماء نهر نيله الخالد؟؟؟

أيظن؟؟؟

لا و ألف لا

و لأنه من المعروف أن مرتبات الموظفين المصريين تفوق المرتبات المناظره في كل الدول العربيه المجاوره

الى أين تذهب مرتبات الموظفين الخياليه إن لم تذهب لشركات المياه المعدنيه

و أيظن المصري الحالم أن بإمكان الماء الآن الوصول لكل القرى و النجوع و كل شبر على أرض مصر العامره

ده على أساس ايه؟؟؟؟

ان شركة مياه الشرب خلفتنا و نسيتنا

و لا ان النيل ده كان بتاع اهالينا و لا مؤاخذه؟؟؟؟؟

غريبه الشعب المصري ده

عاوز ياكل و يشرب في مصر ببلاش كده

مش كفايه ان لسه الأرض اسمها ارض المصريين

حينهبوا

وطن و خدمات كمان

غريبه

!!!!!!!!!!!!!!!!!!!!!!!!!

.............

11 comments

سكتم بكتم said...

قديما قال هيرودوت مصر هبة النيل

وقعدت ساعتها كتب التاريخ تقول لا ياجماعة الراجل دة نصاب الراجل دة هجاص محدش يصدقه مصر هبة المصريين

المهم أنا لغاية دلوقتي مش عارف الأنسة هبة دي أية دورها في الموضوع
هههههههههه

لكن الحقيقة أنه لو مصر هبة المصريين فالمصريين بيروحوا منها خلاص الأمراض والفقر والذل في بلدهم حيشطبواعليهم

وحتبقا ولا هبة ولا خديجة ولا حتي سارة

مدونة لطيفة
تحياتي

دنـيـا محيراني(ايناس لطفي said...

عارفه بقي الدور علي ايه الدور علي الهواء انا مش عارفه وقتها هايبعه اسطوانه الاكسجين بكام
و لا هاعبواء ازيز زي المياه المعدنيه مش عارفه
ايه يا فريده انت لغايه دلوقتي مش بتشربي مياه معدنيه نيل ايه يا سيتي انتي معرفتيش مش هاخصخصو النيل كمان مصر هبه النيل ايه يا حبيبتي فوقي انت في 2007 في عهد فايحيا الاغنياء و يدفنوا الفقراء و يموتوا عطشانين كمان

Ahmed Salem said...

و ابقى سلمي لي على حقوق الانسان

خيرالدين said...

أنا سمعت شيرين بتسألنى
مشربتش من نيلها
رحت اشرب
لقيت الميه قاطعه

islamventura said...

مصر هبة النيل
و النيل هبة اسماعيل

الشعب المصرى مش شايف و حيفضل كدة لغيت ما يطلع برة البلد و الفكرة كلها سهلة خالص
بيتنازل عن حقه حتة حتة
الى ان يصل الامر بنا الى وضع خطيييييييير جدا

من الاخر تسمعى معايا اغنية "ما شربتش من نيلها"

احساس لسه حى said...

عزيزتى
من حقنا حاجات كتير
بس مين قالك ان اللى ليه حق لازم ياخده
هيفضل المصرى مظلوم على طول
النيل يبقا نيلنا والخير دايمن لغيرنا
تعليق على المقال اللى قبله
متتسرعيش فى احكامك

بدأت الجلسة في العاشرة صباحاً ونادي المستشار علي المتهم محمد سامي الذي حضر للمحكمة قبل الجلسة بنصف الساعة وكان متماسكاً واستقبلته أسرته بالدموع والفرحة لظهور نتيجة تحليل الحامض النووي في صالحة معلنا براءته قبل بداية جلسة محاكمته مما أثار لغزاً جديداً من ألغاز القضية المثيرة للجدل لعدم معرفة من هو والد الطفلة "منة الله".
وأكد محامي المتهم ايمن ابوكراع أنه سوف يفجر مفاجأة كبري في القضية لم يفصح عنها خاصة بعد نتيجة تحليل البصمة الوراثية، كما أنه واثق من براءة موكله لوجود بعض المتناقضات في أوراق القضية التي وصلت حتي الآن إلي مائة ورقة.
لو حبيتى تشوفى اقرب شكل للشيطان فانظرى الى المرأه
بذره امراه خدعت مجتمع باكمله
سلام

الطائر الحزين said...

مصر هبة النيل وكل حته عمالة تتباع واحدة واحدة

والامتيازات الاجنبيه هترجع تانى وساعتها كل حاجة هتبقى نظيفة بس بالكرباج

تحياتى

Haitham Abu Akrab said...

تستاهل
اللي بيحلها
عارفه البت هبه دي
تعبتها الالفاظ و الشعارات دي

شــــمـس الديـن said...

هي كل حاجة بقيتتتباع في البلد دي لدرجة اني سمعت ان البرج و مترو الانفاق هيتباعوا و الحكام هيبقوا بس مجرد جباه للضرائب و هنرج لعهد المماليك في اننا نشتغل عندهم تاني

اكيد دا تمهيد انهم يخصخصوا النيل علشان الخدمات تتحسن فيه

Amira said...

سكتم بكتم
دنيا محيرني
تجربتي
احنا
اسلام
الطائر الحزين
شمس الدين
هيثم
............
شكرا على تعليقاتكم الساخره الجميله
ان كانت مرراتي مفقوعه و لقيت فيه كتير مفقوعين زيي
.................

احساس لسه حي

تسرعت في الحكم لأني صدقتها

و ان تقول لي لو اردتي رؤية الشيطان انظري الى المرأه

فإنه و كانك تقول لي لو أردتي رؤية الشيطان انظري للمرآه

:)

أُكتب بالرصاص said...

فريدة

الحمد لله على سلامتك وحيكاياتك الفريدو


المية تلات الوان
وكدا ميت لو وكدا ميت لون
واناس هاتموت من العطش

شفتي هم وخيبة اكتر من دي ؟

Professional Blog Designs by pipdig