مدونة حكايات فريدة

رساله


طوال الفتره الماضيه لي في التدوين

من أكثر البوستات التي لاقت اقبالا في المشاركه و التعليقات بل و الايميلات الشخصيه أيضا

هو البوست الذي تحدثت فيه عن مشكلتي الشخصيه

و كم كانت أرائكم و تعليقاتكم و مساندتكم لي مهمه

كانت متنفس حقيقي

أصل لما الواحد بيكون في مشكله بيحس ان الدنيا ضاقت عليه
انه لوحده
ان المشكله أشبه بجدران عاليه محوطاه من كل جانب و خنقاه
و خصوصا لما بيكون صعب انه يشارك مشكلته دي مع حد
لأن فيه حاجات مينفعش نتكلم فيها مع حد
حتى أقرب الناس لينا
و الكلام ساعات بيريح
لما الواحد بيكتب مشكلته بدون الافصاح عن هويته
ده بيخليه مرتاح اكتر
و بيكون فيه الف ايد بتتمد له علشان تخرجه من وسط الجدران العاليه اللي خنقاه
و بيكون فيه نصايح كتير ممكن تفيده
دي الهديه اللي أهداها لي التدوين
اني لقيت مشاعر صادقه منكم لواحده متعرفوهاش لكن وقفتوا جنبها
مشاعركم دي و لهفتي كل مره و انا بفتح الايميل علشان أشوف انتوا بتنصحوني بإيه
خلتني أفكر في فكره
مش لازم نكون مدونين علشان نلاقي حد يساعدنا
...
فاكرين( بريد الجمعه) للكاتب الكبير "عبد الوهاب مطاوع" رحمه الله
انا فكرت أعمل حاجه مشابهه
بلوج مخصوص لاستقبال رسائلكم الخاصه على الايميل
write2.farida@gmail.com
و بعدين نشر الحكايه أو المشكله"بدون الافصاح عن راسلها طبعا"
و رأيي في حلها
و التعليقات تترك لكل من يريد المشاركه
سميت البلوج
"رسائل فريده"
لأن أي رساله حتوصل لي- "ده لو لاقت الفكره اقبالا"-حتكون رساله فريده و عزيزه على قلبي
ايه رأيكم في الفكره دي؟؟؟
تفتكروا ممكن أعمل جسر حب للتواصل بيني و بين كل واحد أو واحده نفسه يبوح بقصته دون الحاجه للمواجهه الشخصيه
تفتكروا ممكن أقدر أتحمل المسئوليه دي و أكون قادره على النصح؟؟
في عيد الحب 2008
قلت أبني جسر حب ... و أفتح قلبي للي حاسس انه لوحده
ايه رأيكم؟؟
.........
كل سنه و انتم طيبين

17 comments

الطائر الحزين said...

بارك الله فيك

وفرج همك

لا يعرف الشوق إلا من يكابده
ولا الصبابة إلا من يعانيها
وما يسهر الليل إلا من به ألم
والنار ما تحرق إلا رجل واطيها
ثم الصلاة على المختار من مضر
محمد سيد الدنيا وما فيها


بارك الله فيك

تحياتى

ياليت أراك فى مدونتى

الساحرة said...

حلو جدا تعبير جسر حب
والفكرة اكثرمن رائعه احيكي هليها

Anonymous said...

This is a great idea !!

I had been reading Abdelwahab Metawe3 for almost 20 years. Even when I migrated and left Egypt long years ago I managed to read his Friday page over the Ahram website. May Allah bless him in his paradise.

So again, I think this is a great idea. And I believe inshaa Allah it will be a great success. I have only one suggestion : I think you should create a different blog (with close/similar name if you want) for these messages. My point is to separate your personal blog (where you express yourself, your thoughts, & your feelings) from the new blog site that likely will be soon a social forum where many will add and comment on it.

Who knows? I may send you the first message :)

HL

Anonymous said...

يا ريت ....اتا اول حد بيكتب ...والله خير حبعتلك علي طول وياريت تلقيلي حل...مع اني عارفاة بس مش عارفة انفذ

نهي

Amira said...

الطائر الحزين

تقبل الله دعوتك الجميله
:)
و قال لك ملاكك لك مثلها
سأزورك
تحياتي
.........
الساحره
أشكرك
أتمنى أن تلاقي اقبالا
........

Amira said...

hl
I'm glad you think so

I don't know about success
but about you advice of making it as a seperate blog

This is what I done already
my new blog
called "Farida's letters"
http://write2farida.blogspot.com/

I'm waiting for your letter send it
:p

Thanks
& cheers

Amira said...

نهى

شكرا لمشاركتك و رأيك
كتير بنكون عارفين الحل
و مش قادرين عليه
بس ساعات بيكون لازمنا التشجيع علشان نوصل للمقدره

أتمنى انك توصلي للقرار الصائب
و لو فعلا محتاجه رأيي
في انتظار ايميلك

تحياتي

بنت القمر said...

الفكرة دي عملاها مدونه اخري هي شغف وتلاقي لنكها علي جنب
وبتنزل حل المشكله كل اسبوع
طبعا ده لا يمنع اننا نكرر التجربه وان كنت اظن ان المشاكل الخاصه طرحها علي الاخر شبيه يالتعري
هو فضح للذات يلزمه ود مسبق وثقه
ها اتابعك واشوف التجربه ها تمشي ازاي

مصطفي النجار said...

ثقافة البوح من أهم ما نفتقده
ومن أهم ما نحتاجه
عودا حميدا
وفي انتظار ما سيأتي
وأثق أنه سيكون رائع

Jade said...

Ferry...

this is a brilliant idea... You know I support it totally & have encouraged it myself in "Squeeze Me Sunday" Posts...
I believe you have the cultural & religious knowledge to be of good advice... & you will open up many beautiful debates...

Good Luck with that & I'll surely follow

دنـيـا محيراني(ايناس لطفي said...

ازيج يا فريده اخيرا اتفكت عقده لساني اعلق عندك
حلوه اوي جملة جسر الحب اعتقد ان الفكره ان شاء الله هاتنجح اكيد بعد وصولك لقلوبنا كلنا و ثقتنا في مشاعرك الصادقه و احترامنا لعقلك و افكارك
تحياتي لك دائما يا فريده نوعك
سلام

حسن ارابيسك said...

الفكرة جميله
ولم لا طالما الهدف من وراءها هو الخير وازاحة الهم عن كل مهموم
لم لا وأمرهم شورى بينهم
ان شاء الله فكرتك تنجح وتسعد الكثير
تحياتي

Anonymous said...

فكرة جميلة جدا

Amira said...

بنت القمر
أشكرك للتنويه
سأذهب لرؤيتها

مش عارفه ان كانت ستنجح التجربه
هي محاوله
و سنرى
.............
مصطفى النجار

الله يسلمك
أشكرك
و اتمنى أن يصدق ظنك
تحياتي
:)

Amira said...

jade
thanks dear

hope you like this new blog

I liked in your blog both "squezze me sunday"
& the question at the end of each post
:)

come on
go & comment there

Amira said...

دنيا محيراني

الحمد لله ان عقدتك اتفكت
:)
يسعدني رؤية تعليقك
تحياتي
..................
حسن أرابيسك

و

يحي المصري
أشكركما لتشجيعكما

جسر الى الحياة said...

كل عيد حب وانتى بالف خير يا فريدة جمية مشاعرك ومساندتك للاخرين ولو بالانصات لمتاعبهم والاجمل لو كانت نصيحة لقلب مثقل بالهموم تفرج همه جزاكى الله كل خير خطوة حلوة منك نرجو من الله ان يحتسبها لك فى ميزان حسناتك

Professional Blog Designs by pipdig