مدونة حكايات فريدة

إلى أين...................؟؟؟؟؟




إلى أين!؟....إلى أين يسير هذا البلد ؟


لماذا كل هذا التخبط و من المستفيد من هذه الفوضى ... نتسائل هل من مستفيد من تلك الحاله الهلامية التي نعيشها فبالأمس شهدنا إضراب عمال مصانع الغزل ... و عمال السكك الحديدية .... و موظفي الضرائب العقارية... و متظاهري المياه و العطشى حتى صائدين الأسماك قاموا بالإضراب


و اليوم نصل إلى فئة نرى أنها واحده من أكثر الفئات إنضباطا تجاه الدوله و تجاه أداء حقوقها.


ألا و هم الصيادلة ووصلت الأمور للحد الذي أدى إلى تهديد الصيادله بالإضراب و غلق الصيدليات

لماذا تصل الأمور إلى هذا الحد... هل يمكن للحكومة التي تملك مقدرات تلك الملايين أن تجعل من نفسها الحاكم بأمر الله

المطاع الذي لا يمكن عصيانه!!!.. هل يمكن لها أن تبرم الاتفاقيات و قتما تشاء مع من تشاء ثم تتراجع و تلغي تلك الاتفاقيات وقتما يحلو لها .... أليست هي ماما الحكومه التي نجعلها المثل الأعلى لنا

أليس العقد شريعة المتعاقدين......!!!!!!؟

ليه يا ماما تعملي في عيالك كده؟؟

و يوم ماتعملي كده تعمليه مع اكتر العيال اللي بيسمعوا الكلام

دي فئة أصحاب الصيدليات بضغطة زرار من وزير الماليه يقدر يعرف كل مليم دخل الصيدليه و عليها للضرايب كام

لأن الصيدليه أماكن شراء الأدويه بالنسبه لها بتكون شركات معروفه و مسجله في الضرائب فمن السهل جدا تعرف عليها كام للدوله


و لا يا جحا لما فلست.. دورت في جرابك مين تقدر تستقطعه

البلد داخله على كساد اقتصادي و أزمه ماليه .. كل يوم بنسمع ان قناة السويس دخلها بيقل و حجم التجاره العالميه في تناقص و السياحه حالها لا يسر عدو و لا حبيب و المصانع بتقفل و تسرح عمالها

مين حواليك يا جحا؟؟...أهو أي جار آخد منه و خلاص... قرشين من هنا على قرشين من هناك و عجز الميزانيه يتسد

!!!!!!

الله يعينك يا دكتور غالي على ما انت فيه

مطلوب منك ملايين ... لأ .. دي مليارات يا حبة عيني

جمع ... جمع .... كام مليار من الصيادله و كام مليار من بتوع النقل ...و شوية فكه من الموظفين و كام ملطوش من فلوس التأمينات..و كل من لقى له شغلانه في البلد دي و اللي بيحلم يلاقي له شغله أو تجاره شوية شوية حتبعت اللي يلم ضرايب على الأحلام


إلى أين تسوقينا أيتها ال "ماما" و نحن معصوبي العينين؟؟ .. اكيد إلى

................................................................................................

عموما لقد أٌكلنا يوم أٌكل الثور الأبيض

........

بقلم صيدلي فقير

8 comments

blackcairorose said...

منذ عدة اشهر وفي بداية الازمة المالية فى العالم كانت مانشتات الجرايد الحكومية فى مصر كلها تصريحات على لسان المسئولين ان مصر بعيدة عن الازمة ومش هتتأثر بيها الى آخر الكلام أياه، زى ما نكون عايشين فى كوكب تاني، ومعرفش أي تفكير او ضمير او حتى ذكاء كان بيخلي المسئولين يتكلموا بكل البجاحة اللي كانوا بيتكلموا بيها

بس مؤخرا ابتدى التون يتغير ويبقى واقعي شوية ويقول على استحياء اننا احنا كمان هنعاني ، والصوت بدأ يعلى فى الاتجاه ده

بجد مش عارفه هترسى على ايه فى مصر لأن الكل او الغالبية بتعاني من غير أزمة عالمية، فما بالنا باحوالنا وخصوصا ان الوضع دلوقتي بيدهور فى بلاد كتيره كنا فاكرين ان اقتصادياتها ثابتة ومأمنة نفسها ضد أى انهيارات

Shimaa Esmail said...

الأستاذة الفاضلة/ فريدة أو د/ أميرة الشربيني
صاحبة مدونة / حكايات فريدة
" تحية طيبة" وبعد..
اعتذر عن الخروج من موضوع التدوينة، ولكنني ليس لدي أي وسيلة لمراسلتك فلم تشر لبريدكم الإلكتروني عبر المدونة أو أي وسيلة اتصال أخرى، أرجو من سيادتك مراسلتي عبر بريدي الإلكتروني shimoo_771@yahoo.com توضح فيها بريدك الإلكتروني واسم المدونة حتى يمكنني مراسلتك ذلك لأنه وقع الاختيار على مدونتكم كأحد مفردات العينة المختارة من مجتمع المدونات المصرية والتي أسعى لجمع بيانات ومعلومات عنها واللازمة لرسالتي المسجلة بقسم المكتبات والمعلومات والوثائق، كلية الآداب، جامعة القاهرة تحت عنوان "المدونات المصرية على الشبكة العنكبوتية العالمية مصدراُ للمعلومات: دراسة تحليلية " من إعدادي "شيماء إسماعيل عباس" وتحت إشراف الأستاذة الدكتورة "يسرية عبد الحليم زايد" أستاذ المكتبات والمعلومات بالقسم.
أرجو الاهتمام والرد سريعا ومراسلتي لمعرفة مدي موافقتك أم لا على الإجابة عن استمارة استقصاء البيانات – استبيان- عن المدونات المصرية.
هذه ثاني مرة أعلق أرجو الاهتمام وعدم التجاهل.
تحياتي وتقديري
شيماء إسماعيل
باحثة بالماجستير- كلية الآداب جامعة القاهرة.

Shimaa Esmail said...

الأستاذة الفاضلة/ فريدة
أشكرك جدا على الاهتمام والرد. لقد أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالموافقة أو الرفض.
تحياتي وتقديري
شيماء إسماعيل
باحثة بالماجستير- كلية الآداب جامعة القاهرة

admelmasry said...

الاضراب ما طالش الصيادلة بس دا طايل كل فئات الشعب تقريبا
.
.
لدرجة ان سواقين الوادر هما كمان بيعملوا اضراب
.
.
وكنتيجة حتمية لدا مافيش عربيات تنقل الحديد والاسمنت للمواقع مما ادي لزيادة سعرها اكثر ماهي زايدة اصلا
.
.
وكان البلد كلها عمله زي الجسد الواحد اذا اشتكي منها عضو تداعت له باقي الاعضاء بالسهر والحمى

تحياتي والسلام

Ahmed Salem said...

ممكن أن أتخيل ان العمال و الموظفين الفقراء في أي مجتمع و هو يقومون باعتصامات و احتجاجات من أجل حقوقهم المدنية.

لكن أكيد المجتمع اللي فيه طبقة مهمة و طبقة معروف عنها انها ميسورة الحال شوية و ملتزمة و و و كثير من الصفات الأخرة الحميدة لما تعمل احتجاج عام في عموم الوطن بهذا الشكل, يبقى اكيد في حاجة غلط!!!

Amira said...

black cairo rose
المصيبه ان ماحدش فاهم حاجه
زي مايكون عدم الفهم ده في حد ذاته مقصود و متعمد

ربنا يستر علينا

:(

تحياتي

Amira said...

آدم المصري

و الجسد ده خلاص تعب من الوجع و الدنيا كل يوم بتغلى و الجسد بيغلي

و مش قادره افهم فعلا و بعدين؟؟
تحياتي

Amira said...

أحمد
الغلط ان الحكومه بتعمل شغل عيال مع فئه مثقف و ملتزمه

و محدش فاهم ليه كده و لمصلحة مين
؟؟

تحياتي لك

Professional Blog Designs by pipdig