فناجين القهوة
حراس , و البراد بيتكلم!
ملكة الكوتشينة
دخلت و بقية ورق الكوتشينة وقف انتباه , أنا ما اتحركتش من مكاني
مالت عليا و بصيت لي أوي و قالت لي
"أنتِ غريبة أوي !! "
قلت لها "
عادي , أنا كده !"
قالت لي " أزاي
؟"
قلت لها إني صحيت
لقيت نفسي هنا , قالت لي" أنتِ كذابة"
قلت لها بصوت عالي" أنا مش بكذب أبدا"
حراسها قربوا مني
, لقوا فجأة بيني و بينهم سور ! استغربوا أوي , بس أنا مكنش عندي وقت استغرب!
هزيت كتافي و أديتها ضهري و طلعت من البوابة
خبطت في أتوبيس بس
قمت لقيت نفسي سليمة! , الأتوبيس كلمني قالي امشي من هنا عشان هادوسك تاني
طلعت اجري طلع
يجري ورايا !!
استخبيت منه في
شارع ضيق
لقيت واحد واقف
على جنب و باصص في الأرض , قلت له" أنت
مين؟" , بص لي جامد و قالي
"أنا كنت
مستنيكي"
مديت أيدي امسكه,
لقيته ضل ! قلت له
" تيجي معايا
و أحولك لحقيقة ؟"
رد قالي "
استني شوية"
قلت له "أنا
معنديش وقت استني"
الأرض انشقت
لحظتها و طلع من قلبها بحر !
خفت من المياة
تبلني طلعت اجري
حد واقف على جنب
قالي "تعالي أنتِ بتجري حافية ؟!"
بصيت لقيت شارع
مليان جزم , و ناس كتير بتبيع !
الشارع كان مكسر ,
قطعت حتة من طرف فستاني , لفيت رجلي بيها و مشيت
مزيكا
جاية من بعيد , عجبتني , فابتديت ارقص , و قلت أشوف المزيكا جاية منين ؟!
كان فيه هناك مسرح
دخلت و قلت لهم
" عاوزة احضر الحفلة " الراجل
على البواية سألني " أنتِ عندك كام سنة ؟"
قلت له " ليه
بتسأل؟" ضحك و ضحكته ضايقتني , قلت له " أنا كبيرة " , هز راسه و أداني ضهره !
سبته و لفيت أنط
من الشباك , بصيت لقيت في رجلي جزمة ستان! , وواحد جوة شافني سألني " أنتِ مين ؟ تعالي هنا" , قلت له
" أنا مش هقعد كتير " و بعدت عنه و دخلت الحفلة , بعدين طلعت من البوابة التانية
لقيت على البوابة ست ,سألتني" كنتِ بتعملي ايه هنا؟" ,
قلت لها" دي حكاية طويلة" قالت
لي "ممكن احكي لك حكايتي الأول ". وافقت
عندها حكاية غريبة
اوي , اغرب من كل الحكايات
قلت لها هاتي لي "ورق
و قلم و أنا هكتب حكايتك", انبسطت !
قالت لي "تيجي
معايا ؟" , قلت لها إن عندي بيت !
البيت كان دفا , و
كان معايا مفتاحه , الأرنب أداني كل المفاتيح من زمان!
نمت و أنا بكتب و الورق جنبي , فتحت عيني كان الورق أتشال و أتحط
مكانه ورد, ابتسمت و قمت أشوف مين جاب
الورد؟
رجلي خانتني وقعت,
قعدت على الأرض اعيط
بصيت من الشباك ,
لقيت السحاب راسم شكل , مديت أيدي للسما و سألت ربنا يعني إيه الشكل ده ؟
لقيتني فجأه بطير
نزلت وسط زرع , و
كان فيه صندوق تفاح , اخدت تفاحة و دورت على مكان اغسلها لقيت بيت صغير بعيد
دخلت البيت , لقيت حنفية , غسلت التفاحة , سمعت مزيكا , في الأوضة اللي جنبي
دخلت لقيت مسرح, المُخرجة نادتني و طلعتني على خشبة المسرح ! , بصيت لها , ضحكت لي و قالت لي
" انتي بتيجي منين؟ "
" معرفش !"
شفت وراها بوابة مفتوحة , دخلت من البوابة , لقيت بازل متبعتر على أرض أوضة , قعدت أجمعه , شفت حكايات
" معرفش !"
شفت وراها بوابة مفتوحة , دخلت من البوابة , لقيت بازل متبعتر على أرض أوضة , قعدت أجمعه , شفت حكايات
جت بنت جميلة قعدت
جنبي شاورت على كل حكاية كأنها بتقرا , التفتت
لي و قالت لي " انا سافرت كتير عشان اجي أقابلك "
ابتسمت و قلت
"طيب"
"طيب"
أديتها حاجة و
قفلت كفها عليها و قلت لها " لازم امشي" , سألتني إن كنا هنتقابل تاني ؟
قلت لها " ممكن !"
قلت لها " ممكن !"
ناداني صوت , بصيت
ورايا , لقيت فرس, قمت مشيت ناحيته , مسكت لجامه فنط بيا من فوق حاجة , و قالي "ما تخافيش , مش هتقعي"
اطمنت أوي و غمضت
عيني
فتحت عيني على أرض
تانية سألته "أنا فين ؟"
ابتسم
قمت , أمشي , جه ورايا قالي" رايحة فين ؟"
قلت له اني معنديش
وقت استنى
ابتسم تاني و قالي
"
"أنتِ عندك كل حاجة "
"أنتِ عندك كل حاجة "
" أنا هحضنك جامد "
التفت , ما استغربتش , جدلت شعري ضفيرة طويلة
بصيت للشمس رفعت كفي للسما, عديت في سري واحد , اتنين , تلاتة و ...................
بصيت للشمس رفعت كفي للسما, عديت في سري واحد , اتنين , تلاتة و ...................
5 comments
يا الله ... حلوة موت يافريدة ... :)))))))
يا الله ... حلوة موت يا بنت اللذينة
:)
حلمت معاكي
و طيرت و فوق
و شفت الحاجات بتتكلم و بتجري ورايا
و شعرت بالخوف و السلام و القلق
شكرا على كلماتك التي أخذتني معها إلى أماكن جديدة :)
لحو قوى جو أليس فى بلاد العجائب دا
:)
أميرة في بلاد العجائب
:-)
حلوة
Post a Comment