إبتهال عاشقه

يارب
يارب أعشقه وعشقه قاتلي
و العمر ليل نجومه أدمعي
و هواه خنجر مغمد بين أضلعي
أصابني القدر به قبل أن أعي
و مضى الزمان و بقلبي خنجري
ولانازع للخنجر
أو حاقن لدمي
يارب
..................................
لي صديقه تحيا الآن هذه اللعنه
لعنة الحب الذي مهما ابتهلنا إلى الله ليخلصنا منه لا نخلص
هل هناك حب أبدي؟؟
هل هناك حبيب في حياتك لم تنسه أبدا؟؟
صديقتي تلك و كثيرات مثلها ممن بكين أمامي بلوعة الحب
كن دائما يقلن
لا أستطيع تركه
لا أستطيع نسيانه
....
لكن الحياه تمضي و نخلف أحباؤنا ورائنا رغما عنا
هذا البوست إستطلاع بسيط
كم واحد منكم له حبيب لم ينسه رغم مرور السنين؟؟
و كلما رآه تذكرجرحه و ألمه و سهر الليالي؟؟

Comments

تجربتي said…
لم امر بتجربة مماثلة, الحمد لله
لان الحب الاول في حياتي هو الاخير وهو حب العمر :)

لكن هذا الشعور الفتاك كان ينتابني في بداية قصتي, لانه طبعا انا الولد و اتا اللي لازم ابتدي بكلمة الحب, ولانها كانت خايفة و مش مقتنعة والحالة الطبيعية عند اي حد

وقتها كنت في غاية القلق و التفكير
انا مقدرش استغنى عنها ومش متخيل الحياة ممكن تكون من غيرها, بس الحمدلله بكثير من المجهود استطعت اقناعها بي
و الآن نحن في طريقتا لبناء منزلنا

طبعاانا مش هنا علشان احكي عن قصة شخصية, انا هنا علشان نقطة واضحة و مهمة

الحب من الحاجات المهمة في حياتنا اللي لازم نحارب علشانها, الا اذا كان ده يترتب عليه ضرر لاي شخص

و نصيحتي لصديقتك يا فريدة
يلاش كسوف, روحي كلمييه عن مشاعرك

ويا ريت يا فريدة تقولي لنا ايه آخر الاخبار
عزيزتى فريدة الأسم وفريدة الأفكار والأسلوب

فى البدايه ارسل تحياتى وعميق تقدير لك ولمدونتك مع طلب ورجاء بعدم الغياب الطويل

أما رداً على سؤالك ، فلقد احببت بصدق يوماً ولخمسه سنوات متصله ثم انتهى الأمر بالألم ، بعد يومين ضغطت على زرار النسيان عندى فنسيت

مرت الأيام والسنوات وإكتشفت منذ سنتين انى لم انسى ابداً وانه مستقر فى اعماق اعماقى ولم يغب عنى الحب الجميل الذى عشته بكل لحظاته الجميلة ، فقط كنت اظن انى نسيت وكل ما نسيته هو المعاناه والألم ليس الا وبقت الذكرى الجميله للحب والحبيب وكلما تذكرت حبيبتى او رأيتها حتى فى حلم نومى تذكرت الجمال والحب والسعادة معها وتمنيت لها كل خير حتى لو تسببت لى يوماً فى كل الم

يكفينى انها منحتنى الحب والسعاده لأعيش اجمل ايام عمرى قاطبة أجل يكفينى ما لسش قلبى من حب لأستمر باق حياتى هانئ سعيد قرير العين فقد زارنى الحب الحقيقى وانغمست فيه غير يوم

عذراً للإطالة
لعنه ايه يا فرده التي تتحدثي عنها
عموما لو لعنه
اكيد هيا اسعد واحده بهذه اللعنه فينك من مده
!!!!!!!!!!!
Aoossa said…
فهمت قصدك
معظم الفتيات يتزوجن عن غير حب
العريس المناسب
يختلف عن الحبيب المناسب
بس فعلآ الحب لعنه
لأنه يؤلم القلوب
ويقسم الظهور
Epitaph said…
ayyy

that ached my heart!
farida said…
تجربتي
good for you

انت فعلا محظوظ و ربنا يخليكوا لبعض

انا كمان اتجوزت الراجل اللي بحبه و اتجوزته في نفس التاريخ اللي شوفته فيه اول مره

لكن انا فاهمه قصة الحب اللي مبيتنسيش

لم يكن في حياتي حب بالمعنى المفهوم
لكن في ذكرى لم أتخلص منها أبدا

موضوع معقد شويه
الحمد لله لم تؤثر على حياتي
لكنها جعلتني أتفهم نوعية مشاعر معينه

المهم
صديقتي بتكلمه و بتحبه
لكن جوازهم شبه مستحيل
و لا هو و لا هي عايزين يبطلوا يحبوا بعض
كل يوم تقول يا رب انساه
يا رب اقدر
لكن الحياه بتمر و العمر بيمر
و هي لسه بتحبه

ساعات بهاجمها
و ساعات بعذرها

ساعات افكر لو جوزي اللي هو فعليا حب عمري فرقتنا الايام - لا قدر الله- لأي سبب
حنساه؟؟

مش ممكن
farida said…
عزيزي محمد

انا مؤمنه ان كل قصه بتمر علينا لا ننساها ابدا

ححكي لك حكايه طريفه
أول ما عرفت زوجي كان عاوز يحكي لي ماضيه

مش فاهمه ليه الرجاله الشرقيه بتحب الموضوع ده؟؟؟

المهم انا وقفته
.و قلت له
عارف الرجاله ازاي بتغير و لا تقدرش تستحمل فكرة حد في حياة مراته قبله؟

قال لي
اه طبعا

قلت له انا بقى في غيرتي راجل

لكن للأسف سمعت
و عرفت عنه حكايه كده مع واحده قبلي
جرحته و خانته

الحكايه دي فضلت مأثره فيا وقت طويل جدا لأني مره شفت دموع في عينه بسببها و لأني واثقه ان مفيش حاجه بتتنسى

قعدت وقت طويل غيرتي عمياء.
ممكن اتقلب يوم كامل لو افتكرت او حاجه فكرتني
و فعلا كنت زي راجل اتجنن لما عرف ان مراته كانت بتحب قبله و لا قادر ينسى ماضيها

و بعدين لما الأيام عدت
و العشره طالت
حسيت اني عنده الحب الحقيقي و الأول و الأخير

و كتبت

إعلم اني انا حبك الأخير و الأول
و اني انا إكتمال رجولتك
و اني انا بقية عمرك
و أني لست أجمل النساء
لكني كل نسائك
و اني لست أفضل البشر
لكني أفضل ما عندك
و إعلم اني لن أمل تقبيلك
و لن امل قول أحبك
و إعلم ان من يجمعهما الله لا يفرقهما بشر


مش عارفه ان كنت متزوج يا محمد
لكن أرجو أن تكون زوجتك هي حب حقيقي في حياتك

لأن الموضوع ده مهم جدا
و بيعذب ناس كثير
farida said…
هيثم

لعنة الحب يا سيدي

يخرب بيت الحب و سنينه
أنت غبت فتره فعلا غصب عني.
نورتني


أوسه
يا حبيتي نورتي
واحشاني

بصي يا ستي
هي لسه ماتجوزتش
وشكلها كده حتعنس بسببه
و الله
انا خايفه عليها قوي
المهم كل شويه تقول لي مش شايفه رجاله غيره
مش قادره احب تاني

اقول لها يا بت انتي نظرك ضعيف الرجاله اكتر من الهم على القلب
زي اللي عمل لها عمل يا اختشي
مش بقول لك لعنه

البت داخله ع التلاتين و متعلقه في حبال الهوى الدايبه

قطيعه تقطع الحب وسنينه
farida said…
epitaph

hi dear
salemtek men el ah

i love that poen too

i wrote it about 8 years ago
i lost and can't remember it
.
all what i remember is the beginig

happy u commented
where's miss blue?
فريدة
مش عارفة ليه حابة أكلمك بصراحة
ايوة الحب لعنة
ولازم تعذرى صاحبتك
فاكرة تجربة صغيرة عن فتاة أحبت حباً بكل كيانها
وكانت لم تكمل العشرين..لا هى ولا هو
وعندما توسط المعارف لخطبتها له.. حذروها من صغر السن.. ومن تغير المشاعر.. لكن لعنة الحب تملكتها فلم تر ولم تسمع
نبهوها إلى عيوب فاصرت انها تحبها وتستطيع ان تتحمل أكثر منها.. وهى تضمر فى نفسها الرغبة فى تغييره.. ولم تدرك ان هناك بشرا لا يتغيرون.. لقد ادركتها اللعنة
وربما تغير هو الى ما تكره اكثر واكثر لكنها لا تملك الا حبه رغم مرور السنين.. ربما ما زالت تعاند مع نفسها ومع الاهل ومع اراء كل من عارضها
لكنها مازالت تحب.. ويصيبها التوهان عند غيابه
الحب العن من لعنة.. لأنها تراه رغم اختلاف شخصيته عما احبته اروع واحسن وكل صيغ التفضيل
ربما تقتلها افكار واحلام كانت تتمنى لو تحققت فيه لتكتمل سعادتها
لكنها تدرك فى اعمافها ان لا احد يحيا السعادة مكتملة
وتعزى نفسها بانها تحيا اقصى ما منحته لها الدنيا وما يمكن ان تمنحه من سعادة
الحب لعنة.. لأنها لو تخلصت منها لرأت نفسها على حقيقتها.. ولأحست بخداعها لنفسها.. ولتمتعت بسلام أكثر مع النفس
لكنها مصابة يا عزيزتى بلعنة لا فكاك منها
والالعن
انها تحب لعنتها
ولا تود ان تحاول مجرد الفرار منها


كلام فارغ
انا عارفة
بس مش عارفة ليه حبيت احكى لك حكاية قد تجيب على تساؤلك
تحياتى
farida said…
حلم

حكايتك بتوصف كل الكلام اللي بيقوله البوست
.
هي حكاية ناس كتير

الحب من طرف واحد لعنه
الحب المحكوم عليه بالفشل لعنه
الحب للشخص الغلط لعنه
و الحب مش مفروض يكون لعنه
الحب المفروض يكون نعمه

شكرا لتعليقك
Hamed Ibrahim said…
(1)
يارب محتاج لك
محتاج تكون جنبي
محتاج تنورني
دايما تصبرني
محتاج ..وأنا عبدك
وانتا إللي خالقني
(2)

يارب محتاج لك
محتاج حاجات منك
محتاج ومين غيرك
ينزعني من خوفي
محتاج أنا القوة
والقوة من عندك
سهل لي في ظروفي
(3)

يارب نجحني
يارب وصلني
يارب ببكي لك
وحدك وبشكي لك
الدنيا دي صعبة
والدنيا دي رخصية
والكل مش فاهم !
(4)

يارب كلي ذنوب
اغفر لي زلاتي
ماتخليهاش السبب
إنك تأخر طلب
--
يارب ليا سؤال
طامع أنا ف كرمك
يارب جمّعنا
هي وأنا في الحلال

23/1/2007
أمر عذاب و أحلى عذاب عذاب الحب للأحباب على رأي أم كلثوم
أنا فعلا أحببت و لم أستطع نسيان ذالك الحب و كل تجربة مررت بها بعد ذالك الحب أجدها ناقصة لأن الحب الأول بالنسبة لي كان حبل مثاليا و لا أدري إن كان بإمكاني أن أجده في شخص آخر مجددا
نعم لم أستطع نسيان ذالك الحب و أتمنى أن أفعل مستقبلا

Popular Posts