كل سنه و احنا مع بعض بخير




تناقض

رمضان شهر الصوم و يكثر فيه استهلاك الطعام

رمضان شهر التأمل و يكثر فيه النوم نهارا هربا من صعوبة صيامه

رمضان شهر للعباده و يكثر فيه متابعة المسلسلات و البرامج

.........................

تلفزيون

اذا ما أردت حساب وقت الاعلانات بالنسبه لوقت المسلسل لوجدت أنك تتابع اعلانات متكرره يتخللها حلقة دراميه

في الأيام العاديه يقوم باعلانات بيبسي هيفاء وهبي و اعلانات كوكاكولا نانسي عجرم و يتم استبدالهم في الشهر الفضيل ب أحمد حلمي و كريم عبد العزيز.. كيلا يفتن رجالنا المسلمون الصائمون
كان لابد من النساء أن ترسل احتجاجا لظهور مهند في الاعلانات كيلا يكون فتنه للمرأه المسلمه الصائمه
...................
شرف قفل النور .. قصدي الباب

هو ليه المسلسل ده ضلمه كده ؟؟ المخرجه الكويسه رشا شربتجي مصممه هي و جوزها مدير الاضاءه ان احنا في بيوتنا رجعنا لعصر المماليك والشموع و انه مفيش في مصر لمبات في السقف بتخلي الناس شايفه بعض بدون اللعب بالظلال اللي هما فاكرين انهم بيتحفونا بيه
على العموم لم أتابع لوحتها السرياليه المظلمه سأتابعها لاحقا ان امكن
و لو ان أحمد شقير تابع و علق و لازلت لا أشعر أن هذا المسلسل شدني

.................

بعد الفراق
المسلسل اليتيم الذي تابعته لأني كنت مصممه اني متفرجش على مسلسلات السنه دي
بيقولوا خالد صالح كرر نفسه
و بيقولوا انه كبير حجما على الدور
و انا بقول ان المسلسل هادي و جميل و حواره طبيعي و رائع
و ان هند صبري ممثله رائعه تستحق كل تقدير
.................

ابتسم انت في شيكاغو مع الفنان نور الشريف

كنت بتفرج على الدالي تخاطيف
لما اكون عند حد مشغله و متابعه
الالي أو السوبر دالي واخد باله من كل حاجه
بيته و شغله بره و جوه
راجل ممتاز الصراحه

عزت ابو عوف ماشي بين المسلسلات يغير في الباروكات

بنت نور الشريف ظلمت نفسها بظهورها على الشاشه

بيقولوا في جزء تالت و سمعت حوار لنور الشريف بيقول اشمعنى الدرااما التركيه و الامريكيه بتقبلوا منها ده و احنا لأ !!!! اقترح عليه تصوير الجزء التالت في امريكا في شيكاغو حيكون اوقع و افضل
و ياريت يفصلوا له بدله مكتوب عليها الدالي
زي سوبر مان و باتمان الامريكان كان ليهم زي
كمان الدالي اللي منحدش حيقدر يسبقه لازم يكون له زي

.......................
كل رمضان و انتم بخير و كل عيد و انتم طيبين

Comments

كل عام انت بخير
تقبل الله منا ومنكم
رمضان أحلى من غير تليفزيون
ocianacafe said…
This comment has been removed by the author.
Ahmed Shokeir said…
فريدة

واضح ان تليفزيون رمضان ماجاش على هواكي خالص

بس مش معقولة مافيش حاجة عجبتك

هو إذا كان على نقد السيئ فهو كثير سواء برامج أو مسلسلات او حتى اعلانات
زي مانتي ذكرتي

بس الأصعب كتابة بجد أنك تكتبي عن حاجة عجبتك .. لأنك صعب تلاقي ولو تلاقي مش هاتكون مكتملة النجاح والإعجاب

ياريت تعملي بوست عن حاجات جميلة لفتت نظرك .. ده لو فيه
و الله يا فريده انا موافقاكى جدا فى موضوع الدالى ده و خصوصا انى بقيت بكره رتم الرجل و المرأة الحديديه دول
بس الحقيقه فى مسلسل شرف فتح الباب و هو المسلسل الوحيد تقريبا اللى تابعته فى رمضان كان بجد مميز جدا
و خصوصا آداء العملاق يحيى الفخرانى
بالرغم من المآخذ الكتير اللى لى على المسلسل لكن بصراحه آداء ابطاله و خاصة الشباب و اللى كان اول ظهورهم فى المسلسل يستحق اننا نتغاضى عن الأخطاء الدرامية اللى فيه
farida said…
الطائر الحزين
كل عام و انت بخير
و صدقت

.................

أستاذ أحمد شقير

كل سنه و انت بصحه وسعاده
ماتابعته حقا و اعجبني هو مسلسل بعد الفراق

لم أجد وقت لأكتب عنه
هذا العام و لأول مره اتخذ نظاما خاصا في رمضان

البرامج الدينيه فقط و الشيخ الشعرواي
كان هذا مفيدا لنفسي جدا أثناء الصيام

اتمنى أن يتقبل الله منا و منك رمضان
تحياتي
farida said…
زهرة الياسمين

موضوع المرأه الحديديه ده مضايقني جدا بصراحه
وخصوصا الفنانه حبيبة الكل يسرا

انتوا كده حتخلوني اتابع شرف فتح الباب في الاعاده

تحياتي

Popular Posts