مدونة حكايات فريدة

احنا ناس لازم يكون الباطل بتاعها قانوني

كنت محضره مقال عن الأم
لكن اللي بيحصل اليومين دول لا يتحمل ان نسكت عنه

عند ماك
الرابط هو
http://demaghmak.blogspot.com/

موضوع مهم
بيتكلم عن التعديلات الدستوريه
الأول بحييه و بعدين حكتب وجهة نظري

5 comments

smraa alnil said...

فريدة

مهما اتقال تفتكري ان احنا بايدنا حل وصوتنا هيوصل ؟؟؟؟؟؟

Amira said...

سمراء النيل

ردي على تساؤلك في مقالي القادم
تحياتي

Anonymous said...

To Answer Mac:

بص يا ماك
أولا بحييك على مجهودك و على اسلوبك في الكتابة - أنا جيت من عند فريدة

بس عايزة أعرف ايه الفرق بين النهاردة و من ساعة ما مبارك مسك الحكم؟
مع كل احترامي ليك و لكل الناس المتضايقة - مفيش أي فرق حيحصل

متضايقين ليه يا جماعة؟
قانون الطوارئ بيدي حق لأن أي حد يتقبض عليه من غير محاكمة ولا تهمة أصلا
الشباب اللي ملية السجون بتاعت بلادنا و بيتعذبه - كان اتقبض عليهم ازاي يعني؟انتم فاكرين ان التليفونات مش متراقبه من زمان؟ فاكرين ان مافيش اي ظابط مش ممكن ييجي يجرجرك من قفاك من بيتك من غير ولا احم ولا دستور؟
هو انت اصلا عمرك انتخبت رئيس؟؟؟
ايه يا جماعة؟ جرى ايه؟ ايه اللي اتغير؟؟

هو انت اصلا كنت بتعبر عن رأيك؟
اذا كان لسة في مدون مسجون من شهر ولا اتنين عشان عبر عن رأيه؟ زعلان ليه؟ عاملين كأن ده خبر جديد ليه؟

كلكم حتقولوا "لأ ده كان بيشتم في الاسلام" حقول "مجرد ان واحد اتسجن عشان شتم أي حاجة في الدنيا يبقى مفيش
حرية التعبير عن الرأي" و بعدين انت فاكر أصلا انه اتسجن عشان غلط في الاسلام؟ لا يا حبيبي
ادخل على التشات رومز القبط في مصر و شوف بيشتموا في الاسلام ازاي!! مجرد ان برنامج رئيس التحرير حيتمنع ولا جريدة المعرضة حتتقفل يعني هوه ده اللي مزعلكم؟ ماهو كل ده كان هبهبة أصلا مكنتش بتغير حاجة - هوه احنا مكنش في ناس بتشتكي قبل كدة؟ غيره ايه قوللي؟
ايه الحكم حيورث؟ طب كدة كدة كان حيتورث! و كل نواب مجلس الشعب اللي كانوا حيقدمو استقالتهم - هوه أصلا شغلانتهم دي غيرت ايه ولا عملت ايه للبلد؟
حال البلد اتدهور من سيء لأسواءا جماعة احنا محتاجين ثورة
ثورة حقيقية
كفاية مظاهرات سلمية الشباب بتاعنا
بيترن علقة و يمشي - الثورة اللي جاية المفروض تكون باتفاق بين الشعب والجيش
طول ما الجيش بتاعنا غلبان و بيشتغل للحفاظ على عصابات مبارك - عمرنا ماحنقوم على رجلينا

انتم زعلانين ليه؟؟؟
عشان دلوقتي بقى حقيقة الأمر على الورق؟
المفروض نشكر السيد الرئيس علشان على الأقل كدة مش بيتضحك علينا
أدينا عرفين!!! مش كدة؟

ربنا يستر على البلد

bluestone said...

انتي جبتي التايهة
احنا ناس لازم يكون الباطل بتاعها قانوني ..
نظام الدولة البوليسية الدستورية
عزبة القهر القانوني

وكله بالأنون

دماغ ماك said...

awalan thanx 2 much
thaneyan..ana bagelek hena 3alatol..bas mesh kol mara hakteblek 3an mada 7alawet kalamek 3alashan mesh hayeb2a leha lazma
enty 3arfa ana ba7eb 2a2ralek ad eh
we ba3den el mafrod bel el post el gamel elly enty katabteh ba3d el post da enek konty te2oly ra2yek el awel we ba3den tenshory el post beta3y
we 3ayez 2a2olek en mesh ana elly kateb el post elly 3andy..da magmo3et shabab bet7eb masr..bas el ta3lek elly fe el awel we el a7'er howa elly ana katbo
take care
we rabena yestor 3alena
salam

Professional Blog Designs by pipdig