هو حريص .. ميلودرامي..متكبر.. يلقي باللوم على الآخرين دائما و كأنه لا يخطيء أبدا..عينيه لا ترى سوى الناقص في الشيء. لا يعلق على ما هو جميل ولا يبرع سوى في الانتقاد.. لم يستفزني شخص و يكدر صفوي مثله كتبت تلك الكلمات بورتريه ناقد عنه...و رايت انها أقل مللا من لو كتبت قصته
علمك على قد حلمك ....و انت ما بتحلمش
ربك يعطي اللي يسأل.. و انت ما بتسألش
عايش في الدنيا كاره... و الدنيا ما بتزهقش
ماسكاك لحد أجلك........ و انت مبتتعلمش
عايش في اوضه ضلمه... و النور ما بيدخلش
زهقان من كل حياتك...... ياراجل ما تكفرش
......
هو انت يعني يوم فكرت تحلها!!؟
ولا بعدت حبه عن زهقك منها!!؟
كسلان و تقول زاهد... كدبه و صدقتها
عايز إنصاف لنفسك ..و انت اللي ظلمتها
و اللي يذل نفسه ........مين له يعزها!!؟
عايش دور الشهيد.... كاره الناس كلها
مالك كنزه وحاسس دي... المتعه كلها
حريص حتى في حلمك... عايش ما بتحلمش
وتقول أصلي مضحي.... يا اخي ماتتجملش
عايش قنبله موقوته .....طب ليه مبتنفجرش!!؟
بلاش فقعة مراير... و فوق من اللي انت فيه
ربك ماقالش نخنق يومنا..... و نكره مافيه
علمك على قد حلمك و انت اللي ما بتحلمش
ربك يعطي اللي يسأل و انت اللي ما بتسألش
ده طبعك يا سيدي؟
خلاص ما تتذمرش
خلاص متتذمرش
19 comments
هناك من أحمل هم الإتصال به لأسأل عن أخباره.. سبب ذلك أن صوته دائماً يوحى بالحسرة وعدم الرضا مع إن ما أعطاه الله له غير هين بالمرة .. ربنا يبارك له
مش عارف ده بيكون طبع أو طمع فى المزيد أو إيه بالظبط!! خاصة عندما يأتى من هو ليس بعيد بأى صورة عن ممارسة العبادات
ربنا يهدى
الرضا والقناعة والقدرة على الحلم الطموح هى اشياء يفتقدها كثيرون
فتجدين تلك الغصة الدائمة تحيا فيهم
كلماتك يا فريدة؟
مبدعة
ولكـأنى اعرفه
مشكله فعلا أما يكون انسان بالصوره دي
ربنا يكون في عونه ويشفيه
وما يحكمش علينا بحاجه زي كده
كلمات لطيفة رائقة
أحب التنويه هنا عن مدونة أخرى لطيفة وشاعرية
hisham66.blogspot.com
عدى النهار
ربما لأن طبع الانسان الشكوى
لكن هناك من لا يحتمل مثل صديقنا هذا
من تجد ان الله وهبه الكثير لكنها لا يعرف كيف يستمتع بما وهبه له الله
ربنا يهدينا جميعا
تحياتي لك
..........
حلم
شكرا
الرضا و القناعه
التي يقال عنها كنز لا يفنى
كلمه لم أجدها عند البشر
لكن هناك من له مبرراته فعلا
هناك كثيرون يثيرون تعاطفي
اما صاحبنا هذا يثير حنقي
:)
................
محمد
مفتكرش
:)
............
حسن ارابيسك
تشرفت بزيارتك
ربنا يكون في عونه و عون اللي ممكن يتعامل معاه
.........
anonymous
شكرا.لك
سأزورها
:)
GOd.. u hate him
Thanks Farida for your support.
I really admire you a lot
Utopian
Farida,
You are so talented & must be a real writer (don't get me wrong you are a real writer but I mean in the professional sense)
Have you ever considered writting as a career - you are so talented mashallah...
كل واحد منا عدى في حياته واحد او واحدة بنفس الواصفات... بس ارمى من وراكى محدش يستاهل من الصنف دا تدايقى نفسك عشانه تحياتى
مش عارفة ليه كأنك بتتكلمى عن حد انا أعرفه
حد قريب لكن بعيد
معايا لكن مش معايا
نفس المكان .. نفس الزمان لكن تحسى انه مش نفس الحياة
تحياتى
تعليقى هيكون غريب شويه ..
مش دائما بيكون الشخص ده سلبى و غير مؤمن بقضاء الله .. ساعات الوصف ده بيبقى حاله نتيجه لظروف معينه
مينفعش نحكم على رودود افعال ناس معشناش ظروفهم , احباطتهم
انا على فكره ساعات كتير بلاقى نفسى فى الحاله دى .. مش بنفس الصوره .. لكن جزء كبير منها .. نفس الغصه , الحنق انعدام الوزن , الا حباط
صدقينى مش دائما الموضوع نابع من سلبيه او انهزاميه
اذا لم تصادفى تلك الحاله وتلك الظروف فعليكى ان تحمدى الله كثيرا
ليس بالضروره ما ترينه هين بنظرك يكون هين بالنسبه للأخر فالتأثر بالأشياء شئ نسبى
فمثلا موت كلب بالنسبه لشخص ما يكون "كلب وراح فى 60 داهيه"و بالنسبه لشخص أخر يكون كارثه مروعه وليس ذلك دليل على تفاهه هذا الشخص ولكن إختلاف الظروف والبيئه المحيطه ادى الى أختلاف تأ ثرهم بالحادث نفسه
أرجو ان اكون اوصلت ما اريد بشكل سليم والا اكون قد اثقلت عليكى
تحياتى لك
utopian
i don't hate him
he hates himself
:)
you are welcome any time dear.........
...............
jade
thanks
sure i thought about it
but i can't take it as a career for many resons
welcome to bloggers world
...........
بنت القمر
رميت لكن كنت عاوزه اشارككم قصته
تحياتي ليكي و شكرا
..............
ياسمين
الكل حسسني انه قابل في حياته حد زي الشخص ده
كويس انه بعيد
و انك مش مجبره انه يكون متواجد معاه دايما
لأن بصراحه الناس دي بيصعب عليا الناس اللي حواليها اكتر
تحياتي و نورتيني يا ياسمين
:)
ihapoof
اولا أشكرك على المشاركه
وجهة نظرك صحيحه تماما
لأنه عادة الناس دي بتكون نفسيتها اتأثرت نتيجه لظروف معينه
و فعلا الأمور نسبيه في الحياه
بس الواحد لازم يساعد نفسه علشان نفسه
انا قريت مره مقوله عجبتني بجد بتقول
أنا باق لأحسن نفسي
مش فاكره بتاعة مين
بس مؤمنه بيها بجد
تحياتي
انا مش عارف مين اللي حضرتك كارهاا ده بس هو ممكن يكون كويس نتيجة خبرتك القليلة وعدم تعاملك مع شياطين بجد اقولك حاجة .. واقع الامور ليس كما تراه العين دائما يمكن هو بينتقد لأنه بيحبك لأنه عايزك تكوني احسن لأنه ماترباش انه يمدح حد بل ينتقد ليصلح لا ان يمدح ليغتر غيره هو يرى حسناتك ويضعها في قلبه لكن لا يظهرها ربما لو تذكرتي له اشياء حسنة عرفتي كم هو يقدر لك دون ان يتكلم ربما بعض الحوار يصلح ما هو في باله ربما عليكي ان تساليه بعض الكلمات الحسنة ربما عليكي اصلاح نفسك اولا وتحسين اسلوب نقاشك كي تقنعية بما تريدي وتقرأي في الدين لتعلمية ان كثرة النصح تورث الكلل .. ربما اننا لا نقدر الشئ الا بعد فقدانه وربما ان لا احد يجبرك على ان تكملي معه فلماذا التجريح وعسى ان يكون خير منك .
it's beautiful beyond words really... i mean it's simple and reads easily, yet deep and to the point.... and soo true!!! and yes ur right, he hates himself a lot more than anyone would hate him!!
i just can't get over how good it is :) i think i will save it on my pc, copyrighted to u of course :)
berro
انني لا أكره هذا الشخص
و هو لا ينتقدني
و الخواطر ليست عني و عنه
انها عن شخصه
و مشكلتي معه لا تكمن في انه كثير الانتقاد .. الخواطر عن كونه متذمر لا يحمد الله و يشكو ظروفه دائما بينما في يده الكثير لإصلاحها لكنه لا يصلحها
انني لا أدعي ابدا افضليتي على أحد
لأنه محدش عارف مين عند ربنا أحسن من مين
لكن ان كنت تضايق من حولك بالشكوى و التذمر طوال الوقت إذا فأنت تتعدى على حريتهم
الأفضل أن تحمد الله او تسمع نصح غيرك
لكن تشتكي و مش عاجبك نصح!!!؟
خلاص متتذمرش
خلاص ما تتذمرش
insomniac
i'm so glad you loved the words
thanks dear
لكى ان تتخيلى يا فريدة العيش مع شخص بكل الصفات دى ...ادعى لى بالصبر
Post a Comment