شعرت بمعنى كلمة العبث
العبث هو
" عبث: لعب و عمل ما لا فائدة فيه"
و كان في يا حلوين بنوته صغنونه اسمها اسراء قعدت تلعب على النت و فكرت نفسها زعيمه .. قام البوليس مساكها علشان يشد ودنها و يضربها على ايديها و يقول لها "كخ" ما تعمليش كده تاني .. قامت البنت قالت خلاص حرمت فسابها البوليس و البنوته قالت للناس البوليس حلو معملش فيا حاجه وحشه و انااللي غلطانه و مش حعمل كده تاني البوليس سأل الناس قال لهم " شفتوا بقى ان اللعب على النت عبث آخرته مش كويسه و العبث حاجه مفيهاش فايده .. اسراء استفادت ايه و انتوا استفدتوا ايه؟؟؟"... قامت الناس قالت للبوليس " طبعا طبعا محدش حيعمل زي اسراء الوحشه دي تاني " ... و البوليس صدق الناس لكن الناس كانت بتكدب عليه و بيكلموه كلام كله عبث و البوليس كان فاكر نفسه بيعمل حاجات جامده قوي و الناس شايفه ان كل اللي بيعمله البوليس ده عبث لأنه لا الناس صدقت اسراء و لا الناس حتبطل عبث
4 comments
وارى أن ما يفعله البوليس من الجهة الاخرى عبث ايضا
انعم يوسعون قاعدة الكره يوما بعد يوم
ربنا يستر على الايام القادمة
تحياتى
على فكره هما حتى مضربوهاش على اديها ولا قالوا لها كخ ولا طلبوا منها تقول اللى تقوله
هما سابوها ترعب نفسها بنفسها
ده اخره اللى يلعب بالكبريت
لا سمعت عن اضارب اربعه مايوا ولا عازه اسمع عنه هكذا كان ردها
ربنا يعينها على تجاوز الأزمة النفسيه للرعب الذى تعرضت له
مكنتش متخيلة ان الناس هايفة للدرجة دي هتعمل من بنت بتلعب بطلة
ولا السلطة مهزوزة قوي كده عشان تخاف من بنت قاعدة بتلعب على الكي بورد
الله يحرق ترميز الناس
http://bella-kitchen.blogspot.com/
ندعوكم لزيارة مطبخنا والتمتع باشهي
الاطباق
تحياتي
Post a Comment