دعوه فريده


منذ حوالي العامين و انا ادون

كان التدوين بالنسبة لي مساحه خاصه للتعبير عن حلم قديم لي بأن اصبح كاتبه

اغفلت ذكر معلومات شخصيه عني ايمانا مني بأن تلك المساحه للكاتبه داخي كي تعبر عن نفسها بحريه دون قيود الهويه

من يعرفني في تلك المساحه يعرفني ك " فريده" لا يعرف لي اسما او شكلا او عنوانا أو حتى عمرا

معظمكم يظنني أكبر من عمري الحقيقي و في هذا اطراء لي

أما من يعرف "د. أميره الشربيني" في الواقع فلا يعرف بالضروره كونها كاتبه او بالأحرى هاويه للكتابه

من يعرف " أميره" يرى فيها المرأه الصغيره المتزوجه و الصيدلانيه

يرى في شكلي أو ملامحي أو يحكم على طباعي و شخصي لكنه لا يرى بي تلك التي تقرأ كثيرا و تكتب أكثر و تتوهم نفسها كاتبه

..

من يعرفني يعرف اني دخلت الصيدله رغما عني"" تلك حكايه اخرى" و انه كان حلمي الالتحاق بكلية الاعلام

الصحافه كانت لي حلم بعيد المنال

اليوم ينشر لي مقال بسيط في مشروع مدونات مصريه للجيب

لم احقق في التدوين كل ماتمنيت

و لم ارى نفسي أبدا على القدر الذي أرجوه من نفسي

لا اقول هذا ادعاءا للتواضع

و لا محاولةمني كي أسمع كلمات النفي و الاطراء منكم

على العكس

عندما فكرت في المشاركه في " مدونات مصريه للجيب" لم أجد الكثير مما يستحق

لكن في النهايه من الله علي بان نشر لي كلمات خططتها يو ما و القيتها في الفضاء التدويني
.
فكرة الكتاب في حد ذاتها تثير سعادتي
لأني عندما دخلت عالم التدوين و جدت عدد كبير جدا من شباب مصري ذو فكر
تمنيت لو يعلم كل من لم يتح له دخول عالم الانترنت هذا
و قد كان
اليوم في كتاب مطبوع سيتاح للجميع التعرف على فكر شريحه ليست بالبسيطه من شباب مصر
الشعب المصري يفكر و يحلل و يكتب و يجعل من التدوين صحافه خاصه جدا و جديده و حره
صحافه لا رقيب فيها و لا وسيط

أدعوكم للتمتع بهذا الكتاب
و أدعوكم لحضور حفل التوقيع
الخميس 22/5 الساعه6.30 مساء
عمر بوك ستور طلعت حرب
فوق فلفلة

Comments

ألف ألف مبروك يا فريدة
:)
إنتى ح تفضلى عندى فريدة .. ولو إن أميرة إسم لائق عليكى جدا

كنت أتمنى أحضر لك الإحتفال.. و ح حاول بإذن الله

بس لحد ما نشوف إحتمالية الإمكان.. اتمنالك يوم سعيد إن شاء الله وعقبال الكتاب المتفرد
:))
هتفضلى عندى دايما فريدة مش اى حد تانى
انت تستهلى مجموعة كتب ليكى لوحدك مش بس موضوع فى كتاب

بس ليا سؤال غتت شوية تخيلت لفترة انك لا يمكن توافقى على حاجة ذى دى علشان متعلنيش عن شخصيتك الحقيقة مش عشان حاجة بس كنت بحس انك بتسبحى فى عالم واسع بتاعك انت بس و بتخرجى منة على عالم ضيق الى هو الحياة الحقيقة
اظن انة كان قرار صعب
mostafarayan said…
الف مبروك يا فريدة
وان شاء الله احاوا اجي واشتري الكتاب كمان
farida said…
miso soup
الله يبارك فيك

...........

لست ادري

متشكره جدا
انا نفسي اشوفك جدا وانتي عارفه

و يسمع منك ربنا عن الكتاب المنفرد
:)
...........
farida said…
يقول اني امرأه

ايه الكلام الجامد ده
أخجلتم تواضعنا
:)

انتي ظنك في محله تماما
انا كانت خطوة النشر دي خطوة صعبه جدا جدا عليا

انا كنت مستمتعه بمساحتي الخاصه دي

و فعلا كان قراراي افضل اكتب تحت اسم فريده

و قلت حتى لو ربنا كاتب ليا شهره اشتهر بالاسم ده
ايه المشكله

لكن اللي حواليا قالوا لي اني كده بظلم شخصي الحقيقي

و صعب أكتب تحت مسمى شخصيه ملهاش وجود

بس انا فعلا بحس نفسي فريده
فريده مش مجرد اسم اخترعته
فريده هي الفنانه جوايا اللي خرجت ليكم في المساحه دي

كان قرار صعب فعلا

بس للضرورة احكام
اشكرك جدا

و اتمنى اقابلك هناك
farida said…
mostafaryan
الله يبارك فيك
آراك في الحفل
ان شاء الله
السلام عليكم ورحمة الله وبركاته

الف الف مبروك يافريده

دا احنا طلعنا زمايل بقي

عقبال يا ستي ما نحتفل بكتابك الخاص


سلام
عندما قرأت الاسم الشخصي في ميل الاعمال الفائزه لم اعرفك
ولكني سعدت جدا بأسم المدونه
انتي تستحقي
وبجد كنت سعيد بمعرفه الاسماء وانا منهم
نلتقي الخميس بأذن الله
ومبروك
وعمره مقبوله
السلام عليكم

علي الرغم من اني اظنك متعرفينيش لكن انا من متابعي مدونتك

انا فعلا سعيدة انك طلعتي زمل في الكار

و ان شاء الله اشوفك علي خير يوم الخميس :))
إزيك حضرتك يا دكتورة، سعدت بلقاء حضرتك جدًا بالتأكيد ، وألف ألف مبروووك لينـا كلنـــا .
.
وعقبال الإصدارات القادمة يااارب إن شاء الله


تحياتي يا فندم
Diyaa' said…
ألف مبروك ليكي ..ولمست سعادتك بنفسي لما شفتك بتبتسمي بعينك أكتر ..ربنا يحققلك كل أحلامك التدوينية
والمرة الجاية كتابك ينزل في احتفال تنظيمه أحسن من اللا تنظيم اللي كان موجود إمبارح

وبمناسبة دخول الصيدلة والرغبة في الإعلام..الموضوع ده بيتكرر كتير وبيدفن جوا شباب زي الورد مواهبه وأحلامه لمجرد إن المجتمع احتكر توكيل الصح وتوكيل توجيه الأحلام ..ولما تبقي دكتورة أميرة غير لما تبقي الصحفية اللي بتتبهدل عشان ينزل ليها تحقيق يتيم
المهم أنا مش عايز أقلبها نكد في يوم سعادتك فيه لا توصف
بس افتكري لما أولادك يختاروا كلياتهم متسيبيهمش يمروا بنفس التجربة
خالص التحية
سلام عليكم
Diyaa' said…
ليا مرور أطول بعد الأمتحانات :) بإذن الله
شهرزاد said…
ألف مبرووك يا فريدة
أنا مبسوطة بكلمة مبروك أوي ابتديت أحس ان جو التفاؤل دخل عالم المدونات
سعدت للغاية بلقاءكن جميعاً
ده جروب على الفاسبوك زي ماتقفنا للمدوناتا لفتيات فقط ;)
http://www.facebook.com/group.php?gid=14647563577
Barracuda said…
ألف مبروك!!!!!!...ياريتني كنت في مصر كنت حضرت التوقيع ... انتي تستاهلي واكتر

تحياتي العطرة
الف مبروك يا اميرتنا الفريدة فى كل شىء قلبا وقالبا
رغم انى انقطعت فترة لا اذكر طالت ام قصرت عن النت الا ان اول دخول لى اليوم كان الى مدونتك ليسعدنى هذا الخبر وعقبال الكتب ان شاء الله
وحشتونى جدا اصدقائى المدونين ودمتم بخير
سعدت جدا برؤية حضرتك واسرتك الكريمه ولو ان الوقت لم يسعفنى للتعرف بشكل اكبر على حضرتك
نورتينا يا دكتورة
ويا ريت تنورى مدونتى دايما بتعليقاتك
عشان ميبقاش كتاب وعدى من غير ما نعرف بعض
أحمد مهنى
حمامة said…
الف مبروك يا فندم
كان نفسى اتعرف بحضرتك
هقبال المرات الجاية ان شاء الله

:)
Hope said…
Congratulations Amira.

Popular Posts